,
"დავინახეთ ჩამოშლილი სახელმწიფო და სრული უუნარობა", - ასე ეხმაურება პარტია „საქართველოსთვის“ ლიდერი გიორგი გახარია 5-6 ივლისს თბილისში განვითარებულ მოვლენებს. მისი თქმით, ეს იყო უმძიმესი საყურებელი პოლიტიკური მოვლენა, როცა სახელმწიფომ მოქალაქეები ვერ დაიცვა.
„ეს იყო პოლიტიკური მოვლენა, უმძიმესი საყურებელი, როცა დავინახეთ ჩამოშლილი სახელმწიფო. სახელმწიფო ვერ იცავდა კონსტიტუციას, ვერ დაიცვა ძალადობისგან თავისი მოქალაქეები, მასობრივი დევნისგან ვერ დაიცვა ჟურნალისტები, ტურისტები. წარმოუდგენელი იყო, რაც ვნახეთ. ეს იყო უუნარობის გამოხატულება. ჩემთვის ასევე მიუღებელი იყო მმართველი ხელისუფლების წარმომადგენლების განცხადებები - ხომ გაფრთხილებდითო, ჩვენ ეს ყველაფერი წინასწარ ვიცოდით, გაგაფრთხილეთ და ამის იქით თქვენი თავისთვის თავად უნდა მიგეხედათო.
ეს იყო არაკომპეტენტურობის პიკი. იმის შემდეგ, რაც კიდევ უფრო მიუღებელი იყო ის, რომ მმართველი გუნდის ბოსები ამ ყველაფერს აბრალებენ ყველას, მათ შორის მოქალაქეებს, ეკლესიას, ევროპას, მემარჯვენეებს, მემარცხენეებს, მაგრამ არაფერს ამბობენ თავიანთ პასუხისმგებლობაზე - ეს არის უპასუხისმგებლობა. პარტიული ბოსები დღეს მეუბნებიან, რომ ყველაფერი იცოდნენ, გაგვაფრთხილეს და ახლა ცდილობენ ყველაფერი სხვებს დააბრალონ. ეს სახიფათოა ქვეყნისთვის“, - განაცხადა გახარიამ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
