,
„გადავარჩინოთ „მაუდის“ სტადიონი“ - ამ მოთხოვნით თბილისში, მირცხულავას და მიმდებარე ქუჩების მცხოვრებლებმა აქცია გამართეს.
მათი მთავარი მოთხოვნაა, რომ ტერიტორიაზე კვლავ სტადიონი მოეწყოს, რომელიც კერძო მესაკუთრემ დაშალა.
გარდა ამისა, მოსახლეობის ინფორმაციით, აღნიშნულ ტერიტორიას რეკრეაციული ზონის სტატუსი აქვს.
„ამ ტერიტორიაზე ადრე სტადიონი იყო, რომელიც დიდი ხნის განმავლობაში ფუნქციონირებდა, შემდეგ ტერიტორია გაიყიდა, შესაბამისად, მფლობელმა გადაწყვიტა, რომ რაღაც კომერციული საქმიანობა დაიწყოს. ჩვენ თავისთავად არავის კომერციული საქმიანობის წინააღმდეგი არ ვართ, მაგრამ როდესაც დედაქალაქში ისედაც ძალიან ცოტაა სტადიონები, ბაზები, გასავითარებელია ქართული ფეხბურთი, ვფიქრობ, რომ ასეთი სტადიონი არ შეიძლება განადგურდეს და რაღაც საწყობი ან კომერციის ადგილი გახდეს”, - განაცხადა ერთ-ერთმა მცხოვრებმა.
აქციის დროს, ადგილზე მოსახლეობასთან სასაუბროდ თბილისის საკრებულოს დიდუბის მაჟორიტარი, გივი ჩხარტიშვილი მივიდა. მან ჟურნალისტებთან საუბრისას აღნიშნა, რომ ამ ეტაპზე მიმდინარეობს კერძო მესაკუთრესთან მოლაპარაკებები და კონკრეტული შედეგები აღნიშნულ საკითხზე სავარაუდოდ, თებერვლის ბოლოს გახდება ცნობილი.
მისივე თქმით, თბილისის მერის, კახა კალაძის მხრიდანაც არის მზაობა, რომ აღნიშნული ტერიტორია გამოისყიდონ და ადგილზე ევროსტანდარტის სტადიონი გაკეთდეს.
„ადგილზე უკანონო მშენებლობა მიმდინარეობდა, სადაც მუნიციპალურმა ინსპექციამ შესაბამისი ოქმი დაწერა და მეპატრონეს დაევალა დემონტაჟი, ახლა კი მათი მხრიდან აღნიშნული კონსტრუქციის დემონტაჟი მიმდინარეობს.
აქ ოდითგანვე ისტორიული სტადიონი იყო. მოსახლეობის მოთხოვნა არის, რომ მუნიციპალიტეტმა გამოისყიდოს აღნიშნული ტერიტორია და ევროსტანდარტის სტადიონი გაკეთდეს. ჩვენ მოლაპარაკებებს მესაკუთრეებთან ვაწარმოებთ. თბილისის მერის, კახა კალაძის მხრიდანაც არის მზაობა, რომ აღნიშნული ტერიტორია გამოვისყიდოთ და ევროსტანდარტის სტადიონი გაკეთდეს. მოლაპარაკებები მიმდინარეობს და კონკრეტული შედეგები სავარაუდოდ თებერვლის ბოლოს გვექნება”, - განაცხადა გივი ჩხარტიშვილმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
