,
ევროკავშირის საგარეო საქმეთა მინისტრებმა რუსეთის წინააღმდეგ სანქციების მე-20 პაკეტზე შეთანხმებას ვერ მიაღწიეს, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა ბრიუსელში, ევროკავშირის საგარეო საქმეთა მინისტრების შეხვედრის შემდეგ განაცხადა.
„ეს შეფერხებაა და მესიჯი, რომლის გაგზავნაც დღეს არ გვსურდა, თუმცა მუშაობას ვაგრძელებთ“, - განაცხადა კაია კალასმა.
მისი თქმით, სანქციების მე-20 პაკეტზე შეთანხმების მიღწევის მიზნით ევროკავშირი უნგრეთთან და სლოვაკეთთან მოლაპარაკებებს აგრძელებს.
„ეს მარტივი არ არის. ვწუხვარ, რომ დღეს შეთანხმებას ვერ მივაღწიეთ იმის გათვალისწინებით, რომ ხვალ ამ ომის დაწყების წლისთავია და უკრაინისთვის ძლიერი მესიჯების გაგზავნა გვჭირდება, რომ ჩვენ მათ დახმარებას და ასევე, რუსეთზე ზეწოლას ვაგრძელებთ“, - აღნიშნა ევროკავშირის უმაღლესმა წარმომადგენელმა.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
