ევროკავშირის ლიდერებმა მიიღეს გადაწყვეტილება, უკრაინისთვის ფინანსური დახმარების გამოყოფის საკითხთან ერთად განიხილონ ევროკავშირის გაფართოების საკითხი, ახლო აღმოსავლეთში შექმნილ ვითარებაზე კი ამის შემდეგ იმსჯელონ.

ევროპული საბჭო ბრიუსელში დღეს და ხვალ იმსჯელებს გაფართოების პაკეტზე, რომელიც 10 ქვეყანას მოიცავს. გადაწყვეტილება ევროკავშირის წევრი 27 ქვეყნის ლიდერებმა კონსენსუსის საფუძველზე უნდა მიიღონ. გაფართოების პაკეტი ეხება საქართველოსთვის ევროკავშირის წევრი ქვეყნის კანდიდატის სტატუსის მინიჭებას, უკრაინასთან და მოლდოვასთან წევრობაზე მოლაპარაკებების დაწყებას, ასევე დასავლეთ ბალკანეთის ქვეყნებს. ევროპული საბჭო საბოლოო გადაწყვეტილებას ორდღიანი სამიტის მიმდინარეობისას გამოაცხადებს