,
ბრიტანულმა საინფორმაციო-ანალიტიკურმა სააგენტომ „როიტერმა“ (Reuters) თავის ვებ-გვერდზე გამოქვეყნა სტატია სათაურით „ჯო ბაიდენს და დონალდ ტრამპს პარტიების საპრეზიდენტო ნომინაციები პრაქტიკულად გარანტირებული აქვთ: იწყება მძიმე საპრეზიდენტო მატჩ-რევანში“ (ავტორები - ჯოზეფ აქსი და ალექსანდრა ულმერი).
გთავაზობთ პუბლიკაციას შემოკლებით:
ამერიკის პრეზიდენტმა ჯო ბაიდენმა და ყოფილმა პრეზიდენტმა დონალდ ტრამპმა 12 მარტის შიდაპარტიულ არჩევნებზე საკუთარი პარტიებიდან 2024 წლის საპრეზიდენტო არჩევნებისთვის ნომინაციისთვის საჭირო მხარდაჭერა პრაქტიკულად უკვე გარანტირებულად მოიპოვეს. ახლა მხოლოდ პარტიის ყრილობაზე კანდიდატად მათი ფორმალურად დასახელება რჩება. ამით შეერთებულ შტატებში კანდიდატთა ხელმეორე რევანშის ისტორიული მომენტი, ბოლო თითქმის 70 წლის განმავლობაში კიდევ ერთხელ იქნება.
81 წლის ბაიდენს ნომინაციის მოსაპოვებლად დემოკრატიული პარტიიდან 1 968 დელეგატის ხმა ესაჭიროებოდა. კვლევითი ორგანიზაცია "ედისონ რისერჩის" შეფასებით, ეს ზღვარი მან სამშაბათს, 12 მარტის საღამოს გადალახა, როგორც კი ცნობილი გახდა ჯორჯიის შტატში შიდაპარტიული არჩევნების პირველი შედეგები. სამშაბათსვე ჩატარდა არჩევნები მისისიპისა და ვაშინგტონის შტატებში, ასევე - უცხოეთში მცხოვრებ ამერიკელ ამომრჩევლებში.
სულ რამდენიმე საათში, რესპუბლიკელთა ნომინაციისთვის საჭირო 1 215 დელეგატის ხმა შეაგროვა 77 წლის დონალდ ტრამპმაც, ამერიკის ყოფილმა პრეზიდენტმა. მან გაიმარჯვება ჯორჯიის შტატშიც კი მოიპოვა, სადაც ექსპრეზიდენტს, შტატის 2020 წლის არჩევნების შედეგების გაუქმების მცდელობის ბრალდებით, სისხლის სამართლის საქმეზე ასამართლებენ.
12 მარტის კენჭისყრის შედეგი ძირითადად ორივე პარტიაში წინასწარ იყო განსაზღვრული. დონალდ ტრამპის ნომინირების საკითხი კითხვის ნიშნის ქვეშ გასული კვირის ე.წ. სუპერ-სამშაბათის შემდეგ აღარ იდგა, რადგან მისმა ოპონენტმა, გაეროში ამერიკის ყოფილმა ელჩმა ნიკი ჰეილიმ 15-დან 14 შტატში დამარცხების შემდეგ, საპრეზიდენტო კამპანია შეწყვიტა.
ორივე პარტიიდან საპრეზიდენტო კანდიდატის ნომინირება ზაფხულში იგეგმება. რესპუბლიკელთა ყრილობა 15-18 ივლისს ჩატარდება, დემოკრატთა ყრილობა კი - 19-22 აგვისტოს. ამერიკის 47-ე პრეზიდენტის ასარჩევად საყოველთაო არჩევნები კი შეერთებულ შტატებში 5 ნოემბერს გაიმართება.
წყარო: https://www.reuters.com/world/us/biden-trump-poised-clinch-nominations-set-up-bruising-presidential-rematch-2024-03-12/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
