,
3 აგვისტოს ცნობილი გახდა, რომ ესპანეთის ყოფილმა მეფემ ხუან კარლოს პირველმა ქვეყნის დატოვების გადაწყვეტილება მიიღო. ზოგიერთმა მედიამ გაავრცელა ინფორმაცია, რომ ყოფილი მეფე პორტუგალიაში გადავიდა. ხუან კარლოსის განცხადებით, ის საჭიროების შემთხვევაში, პროკურატურასთან ითანამშრომლებს.
შეგახსენებთ, ბოლო პერიოდში 82 წლის ხუან კარლოს პირველის წინააღმდეგ კორუფციის ბრალდებებმა იჩინა თავი. „როიტერის“ ინფორმაციით, ესპანეთის უზენაესმა სასამართლომ გამოკვლევა დაიწყო მონაწილეობდა თუ არა ხუან კარლოს პირველი ჩქაროსნული რკინიგზის ხელშეკრულების საქმეში, რომელიც საუდის არაბეთთან გაფორმდა. მანამდე შვეიცარულმა გაზეთმა დაწერა, რომ ხუან კარლოსმა ამ საქმეში მონაწილეობისთვის საუდის არაბეთის აწ უკვე გარდაცვლილი მეფისგან 100 მილიონი აშშ დოლარი მიიღო.
ცნობისთვის, მონარქის სავარძელი ხუან კარლოს პირველმა 1975 წელს დაიკავა. 2014 წლის ივნისში იგი ტახტიდან ოფიციალურად გადადგა და ესპანეთის მეფე მისი ვაჟი, ფილიპე VI გახდა.
ესპანეთის პრემიერ-მინისტრის პედრო სანჩესის განცხადებით, ყოფილი მეფის, ხუან კარლოს პირველის ქვეყნიდან წასვლასთან დაკავშირებით, ის სრულ პატივისცემას უცხადებს სამეფო სახლის გადაწყვეტილებას.
მისივე თქმით, ყოფილი მეფის წასვლის გადაწყვეტილება შესაბამისობაში მოდის ძლიერ დემოკრატიასთან. სანჩესის განმარტებით, „ადამიანები სამართლდებიან და არა ინსტიტუტები“.
„პირველ რიგში, მთავრობას და მე, როგორც პრემიერ-მინისტრს, სრული პატივისცემა გვაქვს სამეფო სახლის მიერ მიღებული გადაწყვეტილების მიმართ. ასევე, ასამართლებენ ადამიანებს და არა ინსტიტუტებს. ამ შემთხვევაში ბატონმა ხუან კარლოსმა ნათლად გამოხატა, რომ თუკი საჭირო გახდება, ის სასამართლოს განკარგულებაშია ისევე, როგორც ნებისმიერი სხვა ესპანელი“, - განაცხადა პედრო სანჩესმა.
მან ასევე აღნიშნა, რომ არ ფლობს ინფორმაციას, იმყოფება თუ არა ხუან კარლოს პირველი პორტუგალიაში.
რუსეთი აგრძელებს მზადებას დასავლეთის ქვეყნებთან რეალური სამხედრო დაპირისპირებისთვის, მაგრამ მანამდე, შესაძლოა, ჩრდილოატლანტიკური ალიანსის წევრებს შორის განხეთქილების შექმნას შეეცადოს, - „დოიჩე ველეს“ ინფორმაციით, ამის შესახებ გერმანიის ფედერალური სადაზვერვო სამსახურის პრეზიდენტმა, ბრუნო კალმა განაცხადა.
„საუბარია იმაზე, რომ მოსკოვი შეეცდება ძირი გამოუთხაროს ნატო-ს წევრებისთვის პირდაპირი სამხედრო დახმარების გაწევის ვალდებულებებს, რაც გათვალისწინებულია თავდაცვითი ალიანსის წესდების მე-5 მუხლით. რუსეთის მაღალი რანგის ოფიციალური პირები განიხილავენ, თუ როგორ უნდა შექმნან „საგანგებო სიტუაცია“ ნატოს ერთ-ერთი ქვეყნისთვის, რომელშიც ალიანსის სხვა წევრები „შესაბამისად რეაგირებას არ მოახდენენ“, - აღნიშნა კალმა.
მან მაგალითად დაასახელა შესაძლო მოკლევადიანი თავდასხმა ნორვეგიის სვალბარდის არქიპელაგზე „ტერიტორიული გაწმენდის“ მიზნით. „დოიჩე ველე“ განმარტავს, რომ რუსეთს განსაკუთრებული უფლებები აქვს სვალბარდში, მაგრამ ამავდროულად, ოსლოს პოლიტიკა არქიპელაგზე უცხოელების მიმართ ბოლო წლებში გამკაცრდა.
რუსეთის ფედერაციის ადგილობრივი ინტერვენციის კიდევ ერთი შესაძლებლობა, ბრუნო კალის თქმით, არის კონფლიქტი ბალტიის ქვეყნებთან ადგილობრივი რუსულენოვანი უმცირესობების დაცვის საბაბით.
„თუ ნატო-ს წესდების მე-5 მუხლი არ იქნება გამოყენებული მსგავს კონფლიქტებში, ნატო, როგორც თავდაცვითი ალიანსი, დამარცხდება - ეს არის რუსეთის ფედერაციის მიზანი. თუ დახმარების დაპირება არაეფექტური აღმოჩნდება, რუსეთს შეუძლია გააფართოოს თავისი გავლენა ევროპაში ძალაუფლების აგრესიული პოლიტიკით“, - აღნიშნა გერმანიის ფედერალური სადაზვერვო სამსახურის ხელმძღვანელმა.
ბრუნო კალმა გაიმეორა, რომ ამ ათწლეულის ბოლოს რუსეთს ექნება საკმარისი რესურსი დასავლეთის ქვეყნებთან პირდაპირი სამხედრო დაპირისპირებისთვის. მან ეს მოსაზრება პირველად ოქტომბერში ბუნდესტაგში გამოსვლისას გამოთქვა, შეხვედრაზე, რომელიც გერმანიაში დაზვერვის სამსახურების საქმიანობის მონიტორინგს ეძღვნებოდა.
