,
დღეს თურქეთის პრეზიდენტმა, რეჯეფ თაიფ ერდოღანმა განაცხადა, რომ აია-სოფიას გახსნა თურქეთის სუვერენული უფლებების განხორციელება იყო.
„ქრისტიანული სამყარო ასევე შეძლებს აია-სოფიას მონახულებას. დღეს ჩვენ ვფიცავთ, რომ არავის მივცემთ საშუალებას ჩვენს სამშობლოსა და დროშას შეეხოს. აია-სოფიას გახსნით ჩვენ ქვეყნის აღორძინების მოწმეები გავხდით“, - განაცხადა თურქეთის პრეზიდენტმა.
თურქეთის პრეზიდენტმა ასევე განაცხადა, რომ აია-სოფიასთან 500 პოლიციელი იმორიგეებს.
24 ივლისს, სტამბოლში აია-სოფიას მეჩეთის გახსნის ცერემონია გაიმართა. ცნობისთვის, თურქეთის პრეზიდენტმა, რეჯეფ თაიფ ერდოღანმა 10 ივლისს ხელი მოაწერა ბრძანებას, რომლითაც სტამბოლში მდებარე აია-სოფიას ტაძარს ოფიციალურად მიანიჭა მეჩეთის სტატუსი.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
