,
ევროპის ცენტრალურ და აღმოსავლეთ ნაწილში, წყალდიდობამ სულ მცირე16 ადამიანის სიცოცხლე შეიწირა. სტიქიას მსხვერპლი მოჰყვა რუმინეთში, პოლონეთში, ჩეხეთსა და ავსტრიაში.
პოლონეთის მთავრობამ დაზარალებული რაიონები კატასტროფის ზონებად გამოაცხადა და საგანგებო მდგომარეობა აამოქმედა. BBC-ს ცნობით, ნისას მერმა ევაკუაციისკენ მოუწოდა ქალაქის მთლიან მოსახლეობას - 44 ათას ადამიანს.
ჩეხეთში მოსახლეობის ევაკუაციისთვის, სტიქიის ზონაში სამაშველო ვერტმფრენები გაიგზავნა. ავსტრიამ ზარალის ასანაზღაურებლად 300 მილიონი ევრო გამოყო. სტიქიას ებრძვიან უნგრეთსა და სლოვაკეთშიც. ბუდაპეშტში დუნაის მახლობლად გზების ჩაკეტვა გადაწყვიტეს, რადგან მდინარეში წყლის დონე ყოველ 24 საათში დაახლოებით 1 მეტრით იწევს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
