USD 2.6709
EUR 2.8453
RUB 2.8573
თბილისი
„ცენტრალ პარკ თაუერსი“ - ახალი საინვესტიციო პროექტი ყაზბეგის გამზირზე
თარიღი:  660

წყარო:kalaki.ge

მარიამ გვენცაძე

თბილისი, ყაზბეგის გამზირი - ადგილი, რომლის განაშენიანებაც მე-20 საუკუნის 20-იანი წლებიდან დაიწყო. ამ პერიოდშივე, ქალაქს შემოუერთდა ცალკე არსებული სოფელი „დელისი“, რომლის ადრეული დასახლება „გდელისი“ იყო. მოგვიანებით, საბურთალოს ინტენსიური განაშენიანებაც გაგრძელდა.

გარდა საცხოვრებელი სახლებისა, შენდებოდა და იქმნებოდა ისეთი საზოგადოებრივი დანიშნულების ნაგებობები, როგორებიცაა: სასწავლო, სამეცნიერო, ადმინისტრაციული, კულტურულ-საგანმანათლებლო და სხვ. დღეს კი თანამედროვე საბურთალო თბილისის ერთ-ერთი კეთილმოწყობილი უბანი გახლავთ. ადგილი, რომელიც უბნების განაწილების კუთხით, თბილისში საცხოვრებლად, ყველაზე მოთხოვნადი დასახლებაა. ამჟამად, მაცხოვრებლების რაოდენობა ამ ტერიტორიაზე, დედაქალაქის საერთო მოსახლეობის დაახლოებით, 13%-ს შეადგენს.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

ფაქტია, ყაზბეგის გამზირი დღესაც უძრავი ქონების მიმართულებით საინტერესო, საინვესტიციო ადგილს წარმოადგენს. ამის ნათელი მაგალითი კი თბილისის ცენტრში, 300-მლნ დოლარიანი პროექტი გახლავთ, რომელიც 140 000 კვ/მ ფართობისგან შედგება და ორ 42-სართულიან თაუერსს, 6-სართულიანი პოდიუმით გააერთიანებს – ეს თბილისში ახალი სასტუმრო ჰაბი „ცენტრალ პარკ თაუერსია“, რომელიც კომპანია „ორბი ჯგუფისა“ და „ბლოქ ჯგუფის“ ერთობლივი საინვესტიციო პროექტია და რომელსაც მომგებიანობის გათვალისწინებით უძრავი ქონების სექტორში მნიშვნელოვანი ადგილი უჭირავს.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე
„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

პროექტის მესვეურებმა წარმოადგინეს ინოვაციური, სრულიად განსხვავებული, პირველ რიგში, საინვესტიციო პროდუქტი უძრავი ქონების სექტორში.

კომპლექსი 1 400-ნომრიან „ჰოტელ ჰაბს“ მოიაზრებს, სადაც ოცდახუთი, 5-ვარსკვლავიანი სასტუმრო იქნება განთავსებული, მათ შორის – 150 ნომრიანი „რედისონ ბლუ“. „ცენტრალ პარკ თაუერსის“ იმ შენობის ბოლო სართულზე, სადაც „რედისონ ბლუ“ იქნება წარმოდგენილი, მოეწყობა საქართველოში ყველაზე ძვირად ღირებული ოთხი პენტჰაუსი, სადაც კვ/მ-ის ღირებულება $20 000იქნება. პენტჰაუსი თაუერის ბოლო – 41 სართულზე განთავსება, საკუთარი ეზო-ვერანდით, საიდანაც ქალაქზე 360-გრადუსიანი ხედები იშლება. ჭერის სიმაღლე 6 მეტრია, აქვს კერძო პარკინგი, „რედისონ ბლუს“ პერსონალური მომსახურება, 24-საათიანი რეცეფციითა და რუმ-სერვისით. პენტჰაუზის დიზაინზე მსოფლიოში წამყვანი დიზაინერები მუშაობენ. პენტჰაუსი მყიდველს ჩაბარდება სრულად გარემონტებული, ავეჯით, ტექნიკით, თანამედროვე სმარტ-სისტემებით აღჭურვილი.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

„პროექტი საინვესტიციო ხასიათისაა და ინვესტიციითა და უძრავი ქონებით შეძენით დაინტერესებულ პირებს შესაძლებლობა აქვთ, ხუთვარსკვლავიანი სასტუმრო შეიძინონ, რომლის ოპერირებასა და მის მოვლა-პატრონობას საერთაშორისო ოპერატორი კომპანიები განახორციელებენ. ყველაზე მცირე მოცულობის სასტუმრო 18-ნომრიანია, თუმცა ამავე კომპლექსში 50, 100, 150, 200 ნომრიანი ხუთვარსკვლავიანი სასტუმროებიც არის. კომპლექსი პრემიუმ კლასის არის და როგორც პროექტირების, ასევე მშენებლობის პროცესში მსოფლიოში წამყვანი არქიტექტორები არიან ჩართულები“, – აღნიშნავს „ორბი ჯგუფის“ გენერალური დირექტორი, ირაკლი კვერღელიძე.

ამასთან, მულტიფუნქციურ სივრცეში 25 ათას კვ/მ-ზე ავტომატიზებული საპარკინგე ზონა მოეწყობა, 4,500 კვ/მ დაეთმობა კაზინოს, რითაც ის საქართველოში ყველაზე დიდი იქნება. 10 ათას კვ/მ-ზე მოეწყობა საქართველოში პირველი მაღალი კლასის ბრენდების სავაჭრო ცენტრი.

ამავე კომპლექსში იქნება რეგიონში ყველაზე დიდი, სიმაღლეში 12-მეტრიანი ჭერისა და და არცერთი სვეტის მქონე „ივენთ ჰოლი“, რომელიც თანამედროვე ტექნოლოგიებით იქნება აღჭურვილი. ეს სივრცე უმასპინძლებს როგორც საქმიან, ისე სპორტულ და გასართობ ღონისძიებებს, სიმფონიური ორკესტრის კონცერტსაც კი. „ივენთ ჰოლში“ ყოველწლიურად მინიმუმ 50 საერთაშორისო დონის ღონისძიება გაიმართება.

კომპლექსში 1 500 კვ/მ-ზე განთავსდება საქართველოში ყველაზე დიდი სპა და ველნესცენტრი პრემიუმ-კლასის დახურული აუზითა და გამაჯანსაღებელი ესთეტიკური მედიცინის ცენტრით.

ყაზბეგის 22 ნომერში განთავსებული „ცენტრალ პარკ თაუერსი“ დედაქალაქის მაცხოვრებლებსა და მის სტუმრებს შესთავაზებს სივრცეს, სადაც თავმოყრილი იქნება „ფაინ დაინინგის“ შვიდი სხვადასხვა სამზარეულოს პრემიუმ-რესტორანი, ერთ-ერთი თაუერის ბოლო სართულზე კი განთავსდება „მიშლენის ვარსკვლავის“ მფლობელი რესტორანი. პროექტი მოიცავს პრემიუმ-კლასის საოფისე სივრცესაც, რომელიც 500 მომხმარებელზე იქნება გათვლილი.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე
„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

როგორც ცნობილი ხდება, „ცენტრალ პარკ თაუერსის“ პროექტში, 60%-მდე უკვე გაყიდულია. დაინტერესება იკვეთება, როგორც საზღვარგარეთ მცხოვრები საქართველოს მოქალაქეების, ისე რეგიონის, ევროპის, ამერიკისა და არაბული ქვეყნების ინვესტორებისგან. ინტერესი დიდია პენთჰაუსებზეც, სადაც კვ/მ-ზე ფასი 20 000$-ია. როგორც შემსრულებელ კომპანიებში აცხადებენ, წარმოდგენილი 4 პენთჰაუსიდან 2-ის გაყიდვაზე ინვესტორებთან მოლაპარაკებები მიმდინარეობს. მათივე გათვლებით პროექტში გაყიდვები სრულად 2 კვირიან ვადაში ამოიწურება.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე
„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

„ორბი ჯგუფმა“ ახალი პროექტის – „ცენტრალ პარკ თაუერს“-ის პრეზენტაცია აპრილში გამართა. პრეზენტაციის ფარგლებში ასევე გაიმართა კომპანიასა და საერთაშორისო სასტუმრო ოპერატორ „რედისონ ბლუ“-ს შორის თანამშრომლობის ხელშეკრულების გაფორმების ცერემონია. პროექტის პრეზენტაციას ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი დაესწრო, რომელმაც აღნიშნა, რომ ასეთი პროექტებით ხდება ინვესტორებისა და ზოგადად ტურისტების მოზიდვა ქვეყანაში.

„უნდა აღინიშნოს, რომ ამ ტიპის პროექტები არამარტო საინვესტიციო კუთხითაა მნიშნელოვანი, არამედ ქმნიან ახალი მიზიდულობის ცენტრებს ტურიზმისთვის, რადგან ესაა სასტუმრო კლასტერი. თავისთავად, ეს არის ორიგინალური პროექტი და პირველად საქართველოში განხორციელდება – ერთი ბრენდული სასტუმროს „რედისონ ბლუ“-ს გვერდით იქნება წარმოდგენილი ათი სხვადასხვა სასტუმრო სხვადასხვა მფლობელის ქვეშ, მაგრამ აქვე იქნება გაერთიანებული, საერთო მულტიფუნქციური სივრცეები, რომლითაც სტუმრები ისარგებლებენ. ვფიქრობ, ეს ინოვაციური პროექტი შექმნის ახალ მიზიდულობას და ქვეყანაში ახალ ტურისტულ ნაკადებს გააჩენს“, – განაცხადა მინისტრმა.

ამასთან, ლევან დავითაშვილის თქმით, პროექტი თბილისისთვის და ზოგადად, საქართველოსთვის ძალიან წარმატებული იქნება, რადგან კომპანიას უკვე მნიშვნელოვანი გამოცდილება აქვს სასტუმრო და სტუმარმასპინძლობის ბიზნესში. მისი თქმით, სახელმწიფოს მხრიდან მაქსიმალური მხარდაჭერა იქნება, რათა ასეთი პროექტები შეუფერხებლად და სწრაფად ხორციელდებოდეს.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე
„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

„ცენტრალ პარკ თაუერსის“ სამშენებლო სამუშაოები ტერიტორიაზე წელიწადზე მეტია, მიმდინარეობს და, როგორც „ორბი ჯგუფში“ აცხადებენ, ორივე თაუერსთან მიმართებით ფუნდამენტთან დაკავშირებული საკითხები და მინუს 4 სართულის მშენებლობა უკვე დასრულებულია. მშენებლობას საერთაშორისო წამყვანი საპროექტო და სამშენებლო კომპანიები ახორციელებენ, რომლებსაც მრავალწლიანი გამოცდილება აქვთ მსოფლიოს სხვადასხვა ქვეყანაში, მათ შორის სინგაპურში, დუბაიში, აბუ-დაბისა და კატარში მსგავსი მასშტაბის 5-ვარსკვლავიანი სასტუმრო კომპლექსებისა და ინფრასტრუქტურის მშენებლობაში.

„ცენტრალ პარკ თაუერსი“ – ახალი საინვესტიციო პროექტი ყაზბეგის გამზირზე

პროექტის მიმდინარეობას და ხარისხის კონტროლს ზედამხედველობს უწევს ევროპული კომპანია, რომელსაც ასევე ბევრი მსოფლიო დონის მასშტაბური პროექტი აქვს განხორციელებული. რაც შეეხება მშენებლობისთვის გამოყენებულ მასალას, კომპანიაში ამბობენ, რომ ყველა მასალა 5-ვარსკვლავიან სტანდარტებთან სრულ შესაბამისობაშია.

„ცენტრალ პარკ თაუერსის“ სამშენებლო სამუშაოები 2024 წლის ბოლოსთვის დასრულდება და ჰოტელ ჰაბი ოფიციალურად 2025 წელს მაისში გაიხსნება.

კულტურა
პარიზის წიგნის ფესტივალზე საქართველოს მწერალთა სახლი ეროვნული სტენდით პირველად არის წარმოდგენილი
კულტურის სამინისტროს მხარდაჭერით 12-14 აპრილს საქართველოს მწერალთა სახლი 2024 წლის პარიზის წიგნის ფესტივალზე ეროვნული სტენდით პირველად მონაწილეობს.
Grand Palais Éphémère–ში ფესტივალისა და საქართველოს ეროვნული სტენდის გახსნას მწერალთა სახლის დირექტორი ქეთევან დუმბაძე, საქართველოს საგანგებო და სრულუფლებიანი ელჩი საფრანგეთის რესპუბლიკაში გოჩა ჯავახიშვილი და ლიტერატურული სფეროს წარმომადგენლები ესწრებოდნენ.
საქართველოს ეროვნული სტენდის პრეზენტაცია გაიმართა ღონისძიებით - „ჰაგიოგრაფიიდან პოსტმოდერნიზმამდე“. მწერალთა სახლის სტენდის სტუმრებს, ქართული მწერლობის გაცნობასთან ერთად, საინტერესო კალიგრაფიულ აქტივობაში ჩართვის შესაძლებლობა ჰქონდათ. კალიგრაფმა გიორგი სისაურმა მათ ქართული ანბანით დაუწერა სასურველი სიტყვები, გამონათქვამები, ფრაზები, სახელები და ა. შ. ასევე გაიმართა ღონისძიება, სახელწოდებით, „თექვსმეტსაუკუნოვანი უწყვეტი ლიტერატურული პროცესი“, რომელიც განიხილავს ქართულ ლიტერატურას, ქართულ-ფრანგულ ლიტერატურულ ურთიერთობებსა და ქართული და ევროპული ლიტერატურის კავშირს.
პირველ საფესტივალო დღეს გამართულ პანელ-დისკუსიაში მონაწილეობა მიიღეს საქართველოს საგანგებო და სრულუფლებიანმა ელჩმა საფრანგეთის რესპუბლიკაში გოჩა ჯავახიშვილმა და ფრანგული ფილოლოგიის დოქტორმა, პროფესორმა, ივანე ჯავახიშვილის სახელობის თბილისის სახელმწიფო უნივერსიტეტის რომანული ფილოლოგიის ფაკულტეტის ხელმძღვანელმა ბელა ხაბეიშვილმა. შეხვედრას ასევე ესწრებოდნენ უცხოელი გამომცემლები, ლიტერატურული აგენტები, მედიის წარმომადგენლები და ქართული სათვისტომოს საპატიო წევრები.
ფესტივალის მსვლელობისას ქართულ სტენდზე დაგეგმილია არაერთი აქტივობა და საქმიანი შეხვედრა - PUBLISHERS MATCHMAKING. შეხვედრის მონაწილეები იქნებიან საქართველოს მწერალთა სახლი, ქართული გამომცემლობები: „სეზან ფაბლიშინგი“, „მედუზა,“ „ბაკმი“ და მთარგმნელები - მაია ვარსიმაშვილი და მაია გიორხელიძე. შეხვედრაზე განიხილავენ ქართული ლიტერატურის კატალოგს. მთარგმნელი დალი იაშვილი წარადგენს მიხეილ ჯავახიშვილის მოთხრობას - „ლამბალო და ყაშა“ და მოთხრობების კრებულს. მთავარ სცენაზე გაიმართება წიგნის - „მზე, მთვარე და პურის ყანა“ წარდგენა. წიგნს წარადგენენ ავტორი - მწერალი და კინორეჟისორი თემურ ბაბლუანი და ეროვნული კინოცენტრის წარმომადგენელი ევროპაში სოფიო ბაბლუანი. ქართველ გამომცემლებთან ერთად საქართველოს სტენდთან იქნებიან ფრანგული გამომცემლობები: LE CHERCHE MIDI, GINGKO, EDITIONS DES CARNETS DU DESSERT DE LUNE, MEDUZA, და იტალიური გამომცემლობა MODERN TIMES, რომლებიც წარმოადგენენ ფრანგულად თარგმნილ კლასიკურ და თანამედროვე ქართულ პროზასა და პოეზიას.
საქართველოს ეროვნულ სტენდზე წარმოდგენილი იქნება ბუკლეტი ქართველი ავტორების 50-ამდე ნამუშევრის სინოპსისითა და ამონაბეჭდებით ისეთი ცნობილი ნაწარმოებებიდან, როგორიც არის „შუშანიკის წამება“, „ვეფხისტყაოსანი“ და სხვა.
აღსანიშნავია, რომ პარიზის წიგნის ბაზრობა ევროპის ერთ-ერთი ყველაზე მნიშვნელოვანი კულტურული მოვლენაა, რომელიც ყოველწლიურად გაზაფხულზე იმართება და მასში მონაწილეობას 1 200 გამომცემელი და 2 000 ავტორი იღებს. საქართველოს წელს პირველად მიეცა საშუალება, საკუთარი სტენდით ჩაერთოს საფესტივალო აქტივობებში.
ფესტივალში ეროვნული სტენდით მონაწილეობა საქართველოსთვის ძალიან მნიშვნელოვანია.
საფესტივალო აქტივობები მწერალთა სახლს, ქართველ მწერლებსა თუ გამომცემლებს დაეხმარება ლიტერატურული ურთიერთობების წარმართვაში, ქართული მწერლობის პოპულარიზაციაში, ახალი კონტაქტების მოძიებასა და მთარგმნელობითი საქმიანობის ხელშეწყობაში.
სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.