,
აშშ არ ეწინააღმდეგება უკრაინის მიერ დასავლური იარაღის გამოყენებას იმ რეგიონების დასაბრუნებლად, სადაც რუსეთმა “რეფერენდუმები” ჩაატარა. ამის შესახებ დასავლური მედია წერს.
როგორც აშშ-ის სახელმწიფო მდივანმა ენტონი ბლინკენმა ინდოელ კოლეგასთან გამართულ პრეს-კონფერენციაზე განაცხადა, უკრაინას აქვს უფლება დაიბრუნოს ტერიტორიები, რომელიც რუსეთმა დაიპრყო.
“ჩვენ და ბევრმა სხვა ქვეყანამ უკვე ძალიან მკაფიოდ განვაცხადეთ: ჩვენ არ ვაღიარებთ და, რეალურად, არც არასდროს ვაღიარებთ რუსეთის მიერ უკრაინის ტერიტორიების ანექსიას… უკრაინას აქვს სრული უფლება დაიცვას თავი მთელ თავის ტერიტორიაზე, კერძოდ, დაიბრუნოს ის ტერიტორიები, რომლებიც ამა თუ იმ გზით დაიპყრო რუსეთმა”, - განაცხადა ბლინკენმა.
მან ასევე აღნიშნა, რომ იარაღი, რომელსაც აშშ და სხვა ქვეყნები აწვდიან უკრაინას, ძალიან ეფექტიანად იქნა გამოყენებული ტერიტორიები დასაბრუნებლად.
“უკრაინელები გააგრძელებენ იმას, რაც უნდა გააკეთონ, რომ დაიბრუნონ მიწა, რომელიც მათ წაართვეს. ჩვენ გავაგრძელებთ მათ მხარდაჭერას ამ ძალისხმევაში”, - აღნიშნა სახელმწიფო მდივანმა.
უკრაინის პრეზიდენტი ვოლოდიმირ ზელენსკი ევროპის პოლიტიკური გაერთიანების სამიტზე დასასწრებად სომხეთის დედაქალაქ ერევანში ჩავიდა, - ინფორმაციას უკრაინული მედია პრეზიდენტის პრესსპიკერზე სერგეი ნიკიფოროვზე დაყრდნობით ავრცელებს.
ნიკიფოროვის განცხადებით, იგეგმება უკრაინის პრეზიდენტის შეხვედრა ნორვეგიის, ფინეთის, გაერთიანებული სამეფოს და ჩეხეთის პრემიერ-მინისტრებთან.
პრეზიდენტის პრესსპიკერის თქმით, სამიტი ორდღიანია და შესაბამისად, ორმხრივი და მრავალმხრივი შეხვედრები ღონისძიების მეორე დღესაც გაგრძელდება.
