,
საქართველოს სტატისტიკის ეროვნული სამსახური აქვეყნებს საქართველოს მოსახლეობის სტატისტიკას 2023 წლის 1 იანვრის მდგომარეობით. ანგარიშის მიხედვით, საქართველოს მოსახლეობა 3,736,400 ადამიანს შეადგენს, რაც წინა წელთან შედარებით 1.3%-ით მეტია. მოსახლეობის ზრდის ერთადერთი მიზეზი საქართველოში უპრეცედენტო მასშტაბის მიგრაცია იყო - სტატისტიკის მიხედვით, ქვეყანაში 180 ათასი იმიგრანტი შემოვიდა, ემიგრანტების რაოდენობა კი 125 ათასი იყო. შედეგად, დადებითი მიგრაციული სალდო 55 ათასს შეადგენდა.
თუმცა, მნიშვნელოვანია გარემოება, რომ იმიგრანტების უდიდესი ნაწილი საქართველოს მოქალაქე არ იყო, ხოლო ემიგრანტების 80%-ზე მეტს სწორედ საქართველოს მოქალაქეებს წარმოადგენდნენ.
2022 წელს დადებითმა მიგრაციულმა სალდომ უარყოფითი ბუნებრივი მატება გადაფარა. გასულ წელს გარდაცვალების სტატისტიკა დაბადებას 6.8 ათასით აღემატებოდა.
სტატისტიკის მიხედვით, 2023 წლის 1 იანვრის მდგომარეობით, საქართველოს ყველაზე ხალხმრავალი მხარე თბილისია, სადაც 1.24 მილიონი ადამიანი ცხოვრობს. მეორე ადგილზეა იმერეთი 463 ათასი მაცხოვრებლით, მესამე ადგილზე 442 ათასი მაცხოვრებლით ქვემო ქართლია. ყველაზე ცოტა - 27 ათასი მაცხოვრებელი კი რაჭა-ლეჩხუმსა და ქვემო სვანეთშია.
2022 წელს საქართველოში შემოსული იმიგრანტების განაწილება მოქალაქეობის მიხედვით ასე ნაწილდება:
1. რუსეთის ფედერაცია - 62,304 ადამიანი;
2. საქართველო - 54,405 ადამიანი;
3. უკრაინა - 20,716 ადამიანი;
4. ბელარუსი - 13,361 ადამიანი;
5. ინდოეთი - 3,948 ადამიანი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
