,
დღევანდელი თბილისის მუნიციპალიტეტის მთავრობის სხდომაზე ქალაქის მერმა კახი კალაძემ განცხადება გააკეთა ელიავას ბაზრობის შემდგომი განვითარების შესახებ. როგორც მერმა განაცხადა, ქალაქის ხელმძღვანელობამ მიიღო გადაწყვეტილება ელიავას ბაზრობას არ შეუცვალოს ლოკაცია და მესაკუთრეებს მისცეს საშუალება ერთიანი განაშენიანების რეგულირეგის გეგმის ფარგლებში მოახდინონ ბაზრობის ტერიტორიის განვითარება და თანამედროვე სტანდარტებთან შესაბამისობაში მოყვანა. „არავის არ მოგვწონს ელიავას ბაზრობის ფუნქციონირება იმ ფორმით, რა ფორმითაც ხდება დღეს. ეს წარმოადგენს სერიოზულ დისკომფორს იქ მომუშავე ადამიანებისთვის და მყიდველებისთვის, ვინც მიდის იქ გარკვეული საქონლის შესაძენად, ასევე მიმდებარე ქუჩების მაცხოვრებლებისათვის. ჩვენ ძალიან ბევრი ვიმუშავეთ ამ თემაზე, გვქონდა არაერთი შეხვედრა მესაკუთრეებთან და მივიღეთ გადაწყვეტილება. პირველი- ბაზრობა ვეღარ გააგრძელებს ფუნქციონირებას ამ ფორმით. და მეორე- ქალაქის ურბანული სამსახური მოამზადებს განაშენიანების რეგულირეგის გეგმას, სადაც გათვალისწინებული იქნება გზათა ქსელი, რეკრეაციული სივრცეები და სავაჭრო ზომა, რომელიც ერთიან სტანდარტში ჩაჯდება და ამ გეგმის მიხედვით მოხდება ბაზრობის შემდგომი განვითარება. მინდა ხაზგასმით აღვნიშნო, რომ ეს ხელს არ შეუშლის იქ დასაქმებულ ადამიანებს თავიანთი საქმიანობის განხორციელებაში და არავის გამოიყენოს ეს თემა სპეკულაციებისათვის, რადგან ამ ტერიტორიაზე ათასობით ადამიანია დასაქმებული“- განაცხადა ქალაქის მერმა.
ისნის რაიონში, ბერი გაბრიელ სალოსის ქუჩაზე საქველმოქმედო ფონდი "ქართუ" 16 შენობისგან შემდგარი უბნის მშენებლობას გეგმავს.
გარემოს რეგულირების გეგმა საკრებულოსთან უკვე შეთანხმებულია. გრგ-ში ბოლო ცვლილებები 2024 წლის 2 მაისს შევიდა. კორექტირებული დოკუმენტის მიხედვით, ტერიტორია მოიცავს გაბრიელ სალოსის გამზირს 116-დან 124 ნომრამდე. წარდგენილი განცხადების მიხედვით, ყველაზე დაბალი შენობა 10 -სართულიანი, ყველაზე მაღალი შენობა კი, 36-სართულიანი იქნება.
კომპლექსში ჯამში ნავარაუდევი ბინების რაოდენობა 2500 ერთეულია. მათი საცხოვრებელი ინტენსივობის კ-2 ფართობი დაახლოებით შეადგენს 202592 კვ.მ-ს.
ფეხსაცმელების ფაბრიკის ყოფილ ტერიტორიას, საჯარო რეესტრის ამონაწერის მიხედვით, სამი მფლობელი ჰყავს:
აქედან, შპს „ივერია 90“-ია შპს „ელიტა ბურჯის“ შვილობილი კომპანიაა, რომლის 100%-იან წილს თავის მხრივ ფონდი „ქართუ“ ფლობს. სააქციო საზოგადოება „ისანი-ქართუ“ (რომელიც ამავე მისამართზე ბერი გაბრიელ სალოსის გამზ. 116ა-შია რეგისტრირებული) კი „ქართუ ფონდის“ შვილობილი კომპანიაა, რომლის თავმჯდომარე ბესიკ დემეტრაშვილი, „ქართუ ბანკის“ სამეთვალყურეო საბჭოს წევრია.
რაც შეეხება თავად პროექტს, თბილისის საკრებულოში წარგენილი განმარტებითი ბარათის მიხედვით, მთლიან საპროექტო ტერიტორიაზე იგეგმება 16 კორპუსის მშენებლობა, რომელთა ძირითადი ნაწილი არის შერეული ფუნქციის. კერძოდ:
"ქართუს" მიერ წარდგენილი ბარათის მიხედვით, იქიდან გამომდინარე, რომ აღნიშნული პროექტი საკმაოდ მოცულობითია და საჭიროებს დეტალურ არქიტექტურულ დამუშავებას ინდივიდუალური ბლოკების მიხედვით შესაბამისად სექტრონ N-1;3;4;5 ში ფუნქციური შერევის პროცენტულობა ბლოკების მიხედვით დაზუსტდება არქიტექტურული პროექტის შეთანხმების ეტაპზე მაღალი კლასის საცხოვრებელი პირობების შექმნის მიზნით.
ასევე იგეგმება კომპლექსის მაცხოვრებლებისთვის საერთო სარგებლობის 4 სპორტული მოედნის მოწყობაც.
აუცილებელი მიწისქვეშა ავტოსადგომების რაოდენობა დაანგარიშდება კანონმდებლობის შესაბამისად, ხოლო დამატებით 140 ერთეული პარკინგი განთავსდება გარე ტერიტორიისთვის.
კომპანიის მიერ საკრებულოში წარდგენილი წერილით ირკვევა, ის, რომ "ქართუს" თვლის, რომ კომპლექსის მშენებლობას სუსტი მხარეები არ გააჩნია.
წყარო: https://bm.ge/
