დონალდ ტრამპმა ხელი მოაწერა აღმასრულებელ ბრძანებას განათლების დეპარტამენტის დაშლის პროცესის დაწყების შესახებ

თარიღი: 672

აშშ-ის პრეზიდენტმა, დონალდ ტრამპმა ხელი მოაწერა აღმასრულებელ ბრძანებას, რომელიც განათლების დეპარტამენტის დაშლის პროცესის დაწყებას ითვალისწინებს.

”ვაპირებთ, რაც შეიძლება სწრაფად დავხუროთ ის. მას ჩვენთვის არაფერი კარგი არ მოაქვს. აშშ გაცილებით მეტ ფულს ხარჯავს განათლებაზე, ვიდრე ნებისმიერი სხვა ქვეყანა, თუმცა სტუდენტები წარმატების თვალსაზრისით სიაში ბოლო ადგილზე არიან“, - აღნიშნა ტრამპმა.

აღმასრულებელი ბრძანების ტექსტში არ არის დაკონკრეტებული, თუ რა ქმედებებს განახორციელებს ადმინისტრაცია და რომელი პროგრამები შეიძლება შეჩერდეს.

დოკუმენტი დეპარტამენტის ხელმძღვანელს, ლინდა მაკმაჰონს ავალებს, გადადგას ყველა საჭირო ნაბიჯი, რათა ხელი შეუწყოს დეპარტამენტის დახურვას და განათლების საკითხებზე უფლებამოსილების შტატებისთვის დაბრუნებას.

ტრამპმა დოკუმენტს ხელი თეთრ სახლში, სკოლის მერხებთან მსხდომი, ფორმაში გამოწყობილი მოსწავლეების გარემოცვაში მოაწერა.

CNN-ი წერს, რომ თანამედროვე ისტორიაში არცერთ პრეზიდენტს არ უცდია კაბინეტის დონის უწყების დახურვა. დეპარტამენტის გაუქმება მოითხოვს კონგრესის აქტს, რომელმაც შექმნა უწყება 1979 წელს. ტრამპის ოფიციალური პირები აღიარებენ, რომ მათ არ აქვთ საჭირო ხმები დეპარტამენტის ამ გზით დასაშლელად.

თბილისი

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული პროექტების შესახებ ანგარიში წარადგინა

კრწანისის რაიონის გამგებელმა, ლაშა ცაგურიამ მიმდინარე წელს განხორციელებული ინფრასტრუქტურული, სოციალური, საგანმანათლებლო, კულტურული და სპორტული პროექტების შესახებ ანგარიში წარადგინა.

წლიური ანგარიშის პრეზენტაციას თბილისის მერის მოადგილე კახა აბულაძე დაესწრო.

როგორც რაიონის გამგებელმა აღნიშნა, 2025 წელს კრწანისის რაიონში არაერთი მნიშვნელოვანი პროექტი დასრულდა, მათ შორის, სრულად განახლდა ზემო ფონიჭალის ცენტრალური ქუჩა, სადაც მოეწყო 1 372 გრძივი მეტრი დახურული სანიაღვრე ქსელი, გრუნტის დამჭერი კედელი, გასუფთავდა უკანონოდ შემოღობილი ტერიტორიები და მათ ნაცვლად გამწვანების თარგები მოეწყო. პროექტის განსახორციელებლად ადგილობრივი ბიუჯეტიდან 3 000 000 ლარზე მეტი დაიხარჯა.

სულ, საანგარიშო პერიოდში საგზაო ინფრასტრუქტურა 84 მისამართზე მოწესრიგდა.

რაც შეეხება მწვანე სივრცეებს, რაიონში 12 მისამართზე მოეწყო და რეაბილიტირდა სკვერები და მოსასვენებელი ზონები, ხოლო 98 მისამართზე მცირე სარემონტო სამუშაოები ჩატარდა.

“ბინათმესაკუთრეთა ამხანაგობების განვითარების ხელშეწყობის“ პროგრამის ფარგლებში, 183 პროექტი განხორციელდა, კერძოდ რეაბილიტირდა სახურავები, ლიფტები, წყალარინების სისტემები და შეკეთდა სართულშუა ნაპრალები.

როგორც პრეზენტაციაზე აღინიშნა, კრწანისში მცხოვრებ 8000-ზე მეტ განმცხადებელს სხვადასხვა სახის სოციალური დახმარება გაეწია.

ამასთან, გამგეობის ორგანიზებით, მოეწყო სხვადასხვა სპორტული, შემეცნებითი და გასართობი ღონისძიება.

ანგარიშის პრეზენტაციას, თბილისის მერის მოადგილის გარდა, ესწრებოდნენ კრწანისის მაჟორიტარი დეპუტატი საკრებულოში ლევან ჯაფარიძე, თბილისის საკრებულოს განათლებისა და კულტურის კომისიის თავმჯდომარე ბექა ოდიშარია და თბილისის საკრებულოს ჯანმრთელობის დაცვისა და სოციალურ საკითხთა კომისიის თავმჯდომარე ბექა მიქაუტაძე.

სრულად