,
დღეს, კათოლიკური წესით, დიდ პარასკევს, დიდი მარხვის ყველაზე მძიმე დღეს, აშშ-ს პრეზიდენტი დონალდ ტრამპმა ევანგელისტური საეკლესიო საზოგადოების თავმჯდომარე, ეპისკოპოს ჰარი ჯექსონთან შეხვედა. შეხვედრისას ნათქვამ სიტყვაში, მან თანამოქალაქეებს შეახსენა კორონავირუსით ვითარებაში ლოცვის მნიშვნელობა. ტრამპმა ამერიკელებს ერის გადასარჩენად ლოცვისკენ მოუწოდა.
„ამ წმინდა დღეს ჩვენი ერი უხილავი მტრის წინააღმდეგ ბრძოლაში ისე დგას ერთად, როგორც არასდროს“, - განაცხადა ტრამპმა სიტყვით გამოსვლისას.
აშშ-ის პრეზიდენტმა მოსახლეობას მოუწოდა, ლოცვის დროს მაქსიმალურად დაიცვან წესები და მოერიდონ მასობრივი თავშეყრის ადგილებს. ამასთან, ტრამპმა მადლობა გადაუხადა მათ, ვინც მისი ჯანმრთელობისთვის ლოცულობს.
„მაშინ, როდესაც მსოფლიო უხილავ მტერს ებრძვის ჩვენ კიდევ ერთხელ ვადასტურებთ თუ რამხელა ძალა აქვს ლოცვას“, - განაცხადა ტრამპმა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
