,
აშშ-ის პრეზიდენტი დონალდ ტრამპი აცხადებს, რომ პანდემია გაუარესდება, სანამ უკეთესობისკენ წავა. თეთრ სახლში, კორონავირუსის საკითხთან დაკავშირებით გამართული ბრიფინგის დროს, დონალდ ტრამპმა ამერიკელებს მოუწოდა, პატრიოტიზმი გამოიჩინონ და პირბადეები ატარონ.
„სამწუხაროდ, გაუმჯობესებამდე ის გაუარესდება. მოგიწოდებთ ყველას, რომ როცა სოციალური დისტანციის დაცვის საშუალება არ გაქვთ, ატაროთ პირბადეები. მოგწონთ თუ არა პირბადე, მას ზეგავლენის მოხდენა შეუძლია და მის ტარებას შედეგი მოაქვს,“- განაცხადა დონალდ ტრამპმა.
პრეზიდენტმა ახალგაზრდა ამერიკელებს მოუწოდა, გამოიჩინონ სიფრთხილე და თავიდან აუცილონ ბარებსა და სხვა ხალხმრავალ დახურული ტიპის სივრცეებში სიარული.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
