,
აშშ-ის პრეზიდენტის, დონალდ ტრამპის განცხადებით, არჩევნებში გამარჯვების შემთხვევაში, ჯო ბაიდენი შობის დღესასწაულს გააუქმებს. ამის შესახებ დონალდ ტრამპმა ნევადის შტატში, ქალაქ კარსონ სითიში წინასაარჩევნო მიტინგზე სიტყვით გამოსვლისას განაცხადა.
„თუ ბაიდენი მოვა, კარსონ სითი მოჩვენებების ქალაქი გახდება და შობის დღესასწაული გაუქმდება. გახსოვთ, მე განვაცხადე, რომ შობის დღესასწაულს დავაბრუნებდი და გავაკეთე კიდევაც. მახსოვს, პოლიტიკურად კორექტულ ლექსიკას იყენებდნენ და ამბობდნენ „გისურვებთ კარგ დღესასწაულს“. მე კი უარი ვთქვი ამაზე. მსურს ვთქვა - „შობას გილოცავთ“, - აღნიშნა დონალდ ტრამპმა.
აშშ-ის პრეზიდენტის თქმით, საპრეზიდენტო არჩევნები ტრამპის სწრაფ აღდგენასა და ბაიდენის დეპრესიას შორის არჩევანია.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
