წინ არაფერი დაგვიდგება, რადგან ამერიკელები ვართ და მომავალი ჩვენია, - ამის შესახებ აშშ-ის პრეზიდენტმა, დონალდ ტრამპმა ინაუგურაციის ცერემონიაზე სიტყვით გამოსვლისას განაცხადა.

„გაბედულად დავდგებით, ამაყად ვიცხოვრებთ, თამამად ვიოცნებებთ და წინ არაფერი დაგვიდგება, რადგან ამერიკელები ვართ, მომავალი ჩვენია და ჩვენი ოქროს ხანა ახლახან დაიწყო“, - განაცხადა დონალდ ტრამპმა.

მისი თქმით, „დღეიდან აშშ თავისუფალი, სუვერენული და დამოუკიდებელი სახელმწიფო იქნება“.

„ბოლო წლებში ჩვენმა ქვეყანამ ბევრი ტანჯვა განიცადა, მაგრამ ჩვენ მას დიდებას დავუბრუნებთ. ისეთი ქვეყანა ვიქნებით, როგორიც არავინაა, სავსე თანაგრძნობით, გამბედაობითა და განსაკუთრებულობით. ჩვენი ძლიერება ყველა ომს შეაჩერებს და სამყაროს, რომელიც განრისხებული, სასტიკი და არაპროგნოზირებადი იყო, ერთიანობის ახალ სულს მოუტანს“, - აღნიშნა ტრამპმა.