,
აშშ-ის პრეზიდენტი დონალდ ტრამპი ქვეყანაში სკოლების გახსნის აუცილებლობაზე საუბრობს და აცხადებს, რომ კორონავირუსმა, შესაძლოა, გარკვეული სირთულეები მომავალშიც გამოიწვიოს, მაგრამ შეერთებული შტატები აღარ დაიხურება.
„ახლა ქვეყნის გახსნის დროა, არასდროს დავიხურებით. იქ, სადაც ხანძარი გაჩნდება, ჩავაქრობთ, მაგრამ სკოლები უნდა გავხსნათ,“- განაცხადა დონალდ ტრამპმა.
მისივე თქმით, შეერთებულმა შტატებმა ათასობით ადამიანის სიცოცხლის გადარჩენა შეძლო.
„ახლა 130 000 ამერიკელია დაღუპული. ვფიქრობ, ეს რიცხვი, შესაძლოა 2.5 ან 2 მილიონიც კი ყოფილიყო,“ - აღნიშნა დონალდ ტრამპმა.
დონალდ ტრამპმა ასევე აღნიშნა, რომ შესაძლოა, კონკრეტულ ადგილებში კორონავირუსმა სიძნელეები მომავალშიც შექმნას, თუმცა გუბერნატორებმა შესაბამისი ზომები უნდა მიიღონ.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
