USD 2.6946
EUR 3.1438
RUB 3.3406
Tbilisi
დღეს ნანი ბრეგვაძის დაბადების დღეა. ლეგენდარული მომღერალი 88 წლის გახდა.
Date:  

დღეს, 21 ივლისს, ქართველი მომღერლის, ნანი ბრეგვაძის დაბადების დღეა.

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორია 1961 წელს. 

1956 წელს დაიწყო შემოქმედებითი მოღვაწეობა საქართველოს პოლიტექნიკური ინსტიტუტის საესტრადო ორკესტრში; 1959 წლიდან გამოვიდა პროფესიულ ესტრადაზე; 1959-1964წწ. საქართველოს სახელმწიფო საესტრადო ორკესტრის "რეროს", 1964-1980წწ. ვოკალურ-საკრავიერი ანსამბლის "ორერას" სოლისტია; 1980 წლიდან გამოდის სოლო კონცერტებით(კონცერტმაისტერ მ. გონგლიაშვილთან ერთად); მის რეპერტუარში წამყვანი ადგილი უჭირავს ქართველ კომპოზიტორთა საესტრადო ნაწარმოებებს; დიდი ღვაწლი მიუძღვის 60-70-იან წლებში ქართული საესტრადო ლირიული სიმღერის აღმავლობაში; მაღალი ოსტატობით ასრულებს რუსი კომპოზიტორების სიმღერებს, განსაკუთრებით ძველ რუსულ და ბოშურ რომანსებს. არაერთი ქართული მხატვრული ფილმი აქვს გახმოვანებული: "ვერის უბნის მელოდიები"(რეჟ. გ. შენგელაია, 1973), "აურზაური სალხინეთში"(რეჟ. ლ. ღოღობერიძე, 1975) და სხვ.; გადაღებულია თ. აბულაძის ფილმში " სამკაული სატრფოსათვის"(1971). ჩაწერილი აქვს მრავალი ფირფიტა; საგასტროლოდ იყო ყოფილი სსრკ ქვეყნებსა და საზღვარგარეთის ქვეყნებში.

წყარო: საქართველო:ენციკლოპედია:ტ.1.-თბ., 1997.-გვ.479; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.376; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.182

ჯილდოები, პრემიები და პრიზები

  • 2014 - ილიას მედალი, "მარად და ყველგან, საქართველოვ, მე ვარ შენთანა"
    ქართული კულტურისა და სულიერების წინაშე განსაკუთრებული ღვაწლისათვის
  • 1996 - ღირსების ორდენი
    ქართული საესტრადო ვოკალური ხელოვნების განვითარებისა და პოპულარიზაციის საქმეში შეტანილი განსაკუთრებული წვლილისა და ამ დარგში ხანგრძლივი მაღალფროფესიული მოღვაწეობისათვის
  • 1995 - თბილისის საპატიო მოქალაქე
  • 1994 - საქართველოს სახელმწიფო პრემია
  • 1983 - სსრკ სახალხო არტისტი
  • 1974 - საქართველოს სახალხო არტისტი
  • 1972 - საესტრადო სიმღერების სოპოტის საერთაშორისო ფესტივალი
  • 1957 - ახალგაზრდობისა და სტუდენტთა VI მსოფლიო ფესტივალი(მოსკოვი), ლაურეატი
tbilisi
ტაბახმელაში, დიდგორის ქუჩის მიმდებარედ არსებულ სკვერს სრული რეაბილიტაცია ჩაუტარდა
ტაბახმელაში, დიდგორის ქუჩის მიმდებარედ არსებულ სკვერს სრული რეაბილიტაცია ჩაუტარდა.
პროექტის ფარგლებში, საფეხმავლო ბილიკებზე დეკორატიული ფილები დაიგო. მოეწყო საბავშვო გასართობი ზონები - დამონტაჟდა სხვადასხვა სახის ატრაქციონი და შესაბამისი ინვენტარი სკვერის მთელ ტერიტორიაზე განთავსდა. ასევე, მოეწყო სხვადასხვა სახის ტრენაჟორი.
დასრულებულ სამუშაოებს მთაწმინდის რაიონის გამგებელი დავით კირკიტაძე გამგეობის თანამშრომლებთან ერთად ადგილზე გაეცნო.
სამუშაოები კონტრაქტორმა კომპანიამ შეასრულა და გამგეობის ბიუჯეტიდან 183 000 ლარი გამოიყო.
 
See all
Survey
ვინ გაიმარჯვებს რუსეთ - უკრაინის ომში?
Vote
By the way