საქართველოში დღეიდან COVID-19-ის საწინააღმდეგო ვაქცინაცია იწყება. პირველ ეტაპზე იმუნიზაცია სამედიცინო პერსონალს ჩაუტარდება.

ერთ-ერთი პირველი, ვინც აიცრება - პაატა იმნაძეა. დაავადებათა კონტროლის ეროვნული ცენტრის ხელმძღვანელის მოადგილე ზუსტად ერთ საათში, დემონსტრაციულად, ღია ეთერში აიცრება. ამირან განყრელიძე კი, რომელსაც კორონავირუსი უკვე გადატანილი აქვს, COVID-19-ის საწინააღმდეგო ვაქცინაციის პროცესს თბილისის რესპუბლიკურ საავადმყოფოში და „მედკაპიტალში“დაესწრება.

ამ ეტაპზე, მზად არის 82 ამცრელი ცენტრი. ვაქცინები უკვე განაწილდა რეგიონებშიც. საქართველოში კორონავირუსის საწინააღმდეგო ვაქცინის, „ასტრაზენეკას“ პირველი პარტია 13 მარტს შემოვიდა.