,
.jpg)
სამედიცინო, სამშენებლო და ინერტული ნარჩენებით გარემოს დაბინძურებისთვის ჯარიმები იზრდება. როგორც დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა, ჯარიმების გაზრდით მერია სერიოზულ პრობლემას მოაგვარებს.
"ქალაქში სერიოზული გამოწვევა არის სამედიცინო და ინერტული ნარჩენები, ანტისანიტარიისა და ეპიდემიოლოგიური მდგომარეობის გაუარესების პირველწყაროა. ჩემი უფლებამოსილების განხორციელების შემდეგ აქტიურად შევუდექით მუშაობას, ძალიან ბევრი ჯარიმა გამოიწერა, მაგრამ როგორც აღმოჩნდა, ჯარიმების გამოწერა დამრღვევებისთვის, როგორც ფიზიკური, ასევე იურიდიული პირებისთვის იყო შვება, იხდიდნენ ამ ჯარიმას და იგივე გრძელდებოდა. შესაბამისად, შევიმუშავეთ საკანონმდებლო პაკეტი, რომელიც წარვუდგინეთ პარლამენტს და მოხდა მთელი რიგი ცვლილებები ნარჩენების მართვის კოდექსში. ჯარიმები გაიზარდა სამშენებლო ნარჩენით გარემოს დაბინძურებაზე ფიზიკური პირის მიმართ 25-ჯერ, ხოლო იურიდიული პირის მიმართ 10-ჯერ. სამედიცინო ნარჩენის შემთხვევაში ფიზიკური და იურიდიული პირების სანქცია გაზრდილია 10-ჯერ. ძალიან მნიშვნელოვანია საზოგადოების მხარდაჭერით გამოვასწოროთ ეს მდგომარეობა. სახიფათო სამედიცინო ნარჩენების შემთხვევაში ფიზიკური პირი 500 ლარის ნაცვლად დაჯარიმდება 5000 ლარით, იურიდიული პირი 1000 ლარის ნაცვლად დაჯარიმდება 10 000 ლარით. რაც შეეხება სამშენებლო და სხვა სახის ინერტიულ ნარჩენებს, ფიზიკური პირი, რომელიც აქამდე 200 ლარით ჯარიმდებოდა, დაჯარიმდებიან 5000 ლარით, ხოლო იურიდიული პირი ნაცვლად 1500 ლარისა, დაჯარიმდება 15 ათასი ლარით. ეს კანონი, რომელიც ძალაში შევიდა მნიშვნელოვანია იმისთვის, ჩვენ ინერტიული და სამედიცინო ნარჩენების თვალსაზრისით სერიოზული პრობლემა მოვაგვაროთ. რაც შეეხება აღსრულებას ჩვენი შესაბამისი სამსახურები ყოველდღიურ რეჟიმში ძალიან დიდ ყურადღებას მიაქცევენ და ყველაფერს გავაკეთებთ იმისთვის, რომ არსებული მდგომარეობა გამოვასწოროთ",- განაცხადა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
