,
დედაქალაქის მერი კახა კალაძე, მოადგილე ირაკლი ბენდელიანთან ერთად, თბილისის მეტროში განხორციელებულ სამუშაოებს გაეცნო.
კახა კალაძის თქმით, თბილისის მეტროში გასულ წელს დასრულდა ელექტროსისტემის მოდერნიზაციის მასშტაბური ინფრასტრუქტურული პროექტი, რომელიც საქართველოსა და აზიის განვითარების ბანკს (ADB) შორის მდგრადი ურბანული ტრანსპორტის საინვესტიციო პროგრამის შეთანხმების ფარგლებში განხორციელდა. თბილისის მეტროს გვირაბებში დაახლოებით 500 კილომეტრამდე ძალოვანი სადენი შეიცვალა და დამონტაჟდა ახალი, ევროპული სტანდარტის 32 გამნიავებელი, რომელიც უზრუნველყოფს მეტროს გამართულ და უსაფრთხო ფუნქციონირებას.
„თქვენ იცით, რომ დავიწყეთ ვაგონების განახლება-რეაბილიტაცია, ასევე, შევცვალეთ ძალოვანი კაბელები, რადგან ძალიან მძიმე მდგომარეობაში იყო. რაც მეტრო გაიხსნა, მას შემდეგ ეს სამუშაოები არ ჩატარებულა და შესაბამისად, აუცილებლობას წარმოადგენდა მათი შეცვლა. დაახლოებით 500 კმ-მდე კაბელები შევცვალეთ და ასევე გამოვცვალეთ გამნიავებელი სისტემა, მთელი აგრეგატები“, - განაცხადა კახა კალაძემ.
კახა კალაძის განცხადებით, დედაქალაქის მთავრობა ყველაფერს აკეთებს, რათა მეტროთი მგზავრობა უფრო კომფორტული გახდეს.
„ეტაპობრივად მივყვებით სადგურების მოწესრიგებას, ასევე, ახალი ვაგონების შესყიდვაზე იცით, რომ ვთანამშრომლობთ EBRD-თან და ტენდერი დასასრულს უახლოვდება. მალე გვეცოდინება გამარჯვებული კომპანია, რომელიც ახალ შემადგენლობებს მოგვაწვდის. ვაახლებთ ძველ ვაგონებს, რომლებიც რეაბილიტაციას ექვემდებარება, იმისთვის, რომ მეტროთი მგზავრობა და გადაადგილება იყოს კომფორტული“, - აღნიშნა დედაქალაქის მერმა.
მისივე თქმით, საზოგადოებას უახლოეს მომავალში წარუდგენს ვარკეთილის მეტროსადგურის რეაბილიტაციის პროექტის ვიზუალურ ნაწილს.
„ალბათ გახსოვთ ვარკეთილის მეტროსადგურში ჭერის ჩამოშლის ფაქტი. ამის შემდეგ ჩვენ მთელი რიგი სამუშაოები გავატარეთ, პირველი იყო კვლევების ჩატარება , თუ რა მდგომარეობაში იყო გვირაბი და გაუძლებდა თუ არა შემდგომ რეაბილიტაციას. იყო თუ არა დამატებითი სამუშაოები ჩასატარებელი. პირველი, რაც მინდა აღვნიშნო, არის ის, რომ გვირაბი არის მყარი, შესაძლებლებელია რეაბილიტაციაის ჩატარება და ყველაფრის მოწესრიგება. პროექტის ვიზუალური ნაწილი არის წარმოდგენილი და მომდევნო დღეების განმავლობაში საზოგადოებას მივაწვდი ზუსტ ინფორმაციას. ამის შემდეგ, ერთად ვიმსჯელოთ თუ რომელი პროექტი განვახორციელოთ“, - განაცხადა კახა კალაძემ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
