,
მას შემდეგ, რაც ჯო ბაიდენი საპრეზიდენტო რბოლას გამოეთშია და ესტაფეტა კამალა ჰარისს გადასცა, გერმანიის კანცლერმა კამალა ჰარისზე ლოცვა დაიწყო და ჰგონია, რომ იგი დონალდ ტრამპს დაამარცხებს და ჯო ბაიდენის საგარეოპოლიტიკურ კურსს გააგრძელებს., - წერს გაზეთი „ზიუდდოიჩე ცაიტუნგი“ (Süddeutsche Zeitung) სტატიაში სათაურით „კამალა ჰარისის პრეზიდენტობის დროს გერმანიისათვის ყველაფერი კარგად იქნება? ნურას უკაცრავად!“ (ავტორი - დენიელ ბროსერი).
გთავაზობთ პუბლიკაციის შინაარსს:
„დასკვნების გამოტანას ნუ ვიჩქარებთ, რადგან კამალა ჰარისი ჯო ბაიდენს არ ჰგავს, სხვა თაობის პოლიტიკოსია - იგი ევროპის მიმართ სიყვარულსა და მფარველობაზე ჩაციკლული არ არის და შეიძლება ბრიუსელის მიმართ უფრო მომთხოვნიც კი იყოს, ვიდრე დონალდ ტრამპი. ამას მოწმობს მისი ერთგვარი ცივი დამოკიდებულება ისრაელისადმიც, რომლის ნათელი მაგალითია გასულ კვირაში მომხდარი „დიპლომატიური ინციდენტი“: 22 ივლისს ვაშინგტონში ვიზიტით ჩავიდა ისრაელის პრემიერ-მინისტრი, გავიდა თითქმის სამი დრე და მას არავინ არ სეხვედრია - არც პრეზიდენტი და არც ვიცე-პრეზიდენტი. ჯო ბაიდენი კოვიდიტ იყო ავად, კამალა ჰარისმა კი ბენიამინ ნეთანიაჰუს ვიზიტი თითქმის უყურადღებოდ დატოვა, სხვა ღონისძიებაზე გაემგზავრა ინდიანას შტატში და ებრაელ ლიდერს მხოლოდ ვიზიტის მეხუთე დღეს შეხვდა. ეს ფაქტი ამერიკელმა ჟურნალისტებმა კამალა ჰარისის მხრიდან გამოვლენილ „ბოიკოტად“ შეაფასეს.
როგორც კი ჯო ბაიდენმა საარჩევნო კამპანია შეწყვიტა და საპრეზიდენტო რბოლაში ასპარეზი კამალა ჰარისს დაუთმო, ოლაფ შოლცმა იჩქარა და კამალა ჰარისის მიმართ კომპლიმენტების გაკეთება დაიწყო: „იგი არის კომპეტენტური და გამოცდილი პოლიტიკოსი, რომელმაც ზუსტად იცის, რას აკეთებს და აქვს ძალიან მკაფიო წარმოდგენა თავისი ქვეყნის როლის შესახებ თანამედროვე მსოფლიოში, საერთაშორისო მოვლენებზე და გამოწვევებზე, რომლებთანაც შეჯახება მოუწევს“, - განაცხადა ოლაფ შოლცმა ზაფხულის არდადეგების წინ გამართულ პრესკონფერენციაზე კამალა ჰარისის მიმართ. გერმანიის კანცლერის ქცევა გასაგებია - იმიტომ, რომ თუ პრეზიდენტად კამალა ჰარისი არ იქნება, მაშინ იქნება ალტერნატიული კანდიდატი დონალდ ტრამპი, რომელთანაც გერმანიას, დიდი ალბათობით, ან ცუდი, ან კატასტროფული ურთიერთობა ექნება.
არ უნდა ვიფიქროთ ისე, რომ თითქოსდა კამალა ჰარისი ჯო ბაიდენის პოლიტიკური ხაზის გამგრძელებელი იქნება. მართალია მას არაერთხელ დაუფიქსირებია ფორმალურად, განცხადებებით, რომ „მე და ბაიდენი უკრაინას მხარს ვუჭერთ“, „მე და ბაიდენი ნატოს ერთგულები ვართ“, მაგრამ თუ იგი აშშ-ის პრეზიდენტი გახდება, რეალურად მაინცდამაინც არ იზრუნებს „ტრანსატლანტიკურ თანამშრომლობაზე“. იმიტომ, რომ იგი უკვე პირდაპირ და უშუალოდ იქნება პასუხისმგებელი აშშ-ის მდგომარეობაზე, მას მოუწევს ამერიკის მოსახლეობის ინტერესების გათვალისწინება.
კამალა ჰარისს ასვე მოუწევს უფრო ხისტი პოლიტიკის გატარება თელ-ავივის მიმართ. იგი არ იქნება ევროპის მიმართ მგრძნობიარე, შეიძლება უფრო მომთხოვნი იყოს კი იყოს, ჯო ბაიდენისაგან განსხვავებით, ევროპელთა მხრიდან გაწეული თავდაცვის ხარჯების მიმართ.“
წყარო: https://www.sueddeutsche.de/politik/us-wahl-harris-trump-scholz-folgen-lux.Q8MAvQjiRHLWtJnYq3gBAE?reduced=true
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
