USD 2.8170
EUR 2.9536
RUB 3.0745
თბილისი
„დანკინი“ საქართველოში მე-80 ამერიკულ რესტორანს ხსნის
თარიღი:  

„დანკინმა“ ქ. თბილისში, პეკინის გამზირ #15-ში, რიგით მე-80 რესტორანი გახსნა. მიმდინარე წლის ზაფხულის ბოლომდე ახალი რესტორნები ბათუმში, თელავსა და ბაკურციხეშიც გაიხსნება. საქართველოში არსებულ „დანკინის“ ამერიკულ რესტორნებში ერთგული მომხმარებელი ყოველდღიურად უკვე 40 000-მდე ჭიქა ყავას დღის ნებისმიერ მონაკვეთში, მაქსიმალურად სასიამოვნო და კომფორტულ გარემოში მიირთმევს. ქსელის განვითარების კვალდაკვალ, „დანკინი“ ქვეყანაში ყავისა და ყავის პროდუქტების ყველაზე მსხვილი რეალიზატორის პოზიციებს კიდევ უფრო იმყარებს.

„„დანკინისა“ და „ვენდის“ ფორმატში საქართველოში უკვე 96 ამერიკული რესტორანი ფუნქციონირებს და მათი რაოდენობა 3-4 წლის განმავლობაში 150-ს მიაღწევს. შესაბამისად, ადგილობრივ სარესტორნო ინდუსტრიაში, „ვისოლ ჯგუფს“ მკვეთრად გამოხატული ლიდერის პოზიცია უკავია და მომავალი წლების განმავლობაში ეს პოზიცია კიდევ უფრო გამყარდება. აღნიშნული მიმართულება ჩვენი ჯგუფისთვის ერთ-ერთი მნიშვნელოვანი და ფინანსური კუთხით საინტერესო მიმართულება გახდა და, აქედან გამომდინარე, ამ სექტორში პოზიციების შემდგომი გაძლიერება ჯგუფის სტრატეგიული განვითარების გეგმის ერთ-ერთი შემადგენელი ნაწილია. „დანკინის“ ყავა მართლაც გამორჩეული და უნიკალურია და, ვფიქრობ, ამიტომაც შეიყვარა იგი მომხმარებელმა. ამასთან, როგორც ხარისხის პარამეტრებით, ასევე გემოვნური თვისებებით მას არც „ვენდის“, ასევე იტალიური წარმოშობის ყავა ჩამოუვარდება. რაც შეეხება პროდუქციის ხარისხს ჩვენი ჯგუფის ორივე სარესტორნო ქსელში, აქ ჩვენი მთავარი ამოცანა ყოველთვის იყო და მუდმივად იქნება მომხმარებლისთვის ყოველდღიურად ახალი, საქართველოში დამზადებული კერძებისა და პროდუქტების შეთავაზება. ეს უკანასკნელი ჩვენი სტრატეგიული არჩევანია და ეს არჩევანი არასოდეს არ გადაიხედება. აქვე, მოკრძალებულად დავამატებ, რომ საქართველოს „დანკინსა“ და „ვენდისში“ არსებული პროდუქციის ფართო ასორტიმენტი, რესტორნების ერგონომიკა და შესაბამისად მომხმარებლის მიერ მიღებული გამოცდილება სრულიად უნიკალურია და მისი ანალოგი სხვა ქვეყნებში თითქმის არ მოიპოვება“, - აცხადებს „ვისოლ ჯგუფის“ პრეზიდენტი სოსო ფხაკაძე.

“დანკინის“ რესტორნების მთლიან ქსელს ცენტრალიზებული, მაღალტექნოლოგიური საწარმო ამარაგებს, რომელიც უკვე რამდენიმე წელია წარმატებულად ფუნქციონირებს. "დანკინის" ავტომატიზებული საწარმო უმაღლესი ხარისხის ფრანგული და გერმანული დანადგარებით არის აღჭურვილი და იგი ყოველდღიურად ახალი, 60-მდე სახეობის პროდუქტით ამარაგებს ამერიკული რესტორნების ქსელს მთელი საქართველოს მასშტაბით. კომპანიის საქმიანობის ქვაკუთხედია ერთგულ მომხმარებლებს გამორჩეული გემოვნური თვისებებისა და გამორჩეული ხარისხის, ყოველდღიური ახალი, გაუყინავი პროდუქტი შესთავაზოს.

2020 წელს დანკინი 11.3 მილიარდ აშშ დოლარად „Inspire Brands Inc“-მა შეისყიდა. “Inspire Brands Inc”-ი ამერიკის შეერთებულ შტატებში და 60 სხვადასხვა ქვეყანაში 32,000 რესტორანს აერთიანებს, რომლებიც Arby’s-ის, Dunkin’ -ის, Baskin-Robbins-ის, Buffalo Wild Wings-ის, Jimmy John’s-ის, Rusty Taco-ს, and SONIC-ის ბრენდებით არის წარმოდგენილი. „Inspire Brands Inc“ -ს, მსოფლიოს მასშტაბით, სარესტორნო ინდუსტრიაში ერთ-ერთი ლიდერის პოზიცია უკავია.

სპორტი
ოლიმპიური კომიტეტების პრეზიდენტი - მადლობა საქართველო! თქვენ ამ ოლიმპიადით თამასა ისე მაღლა ასწიეთ, რომ მომდევნო ქვეყნისთვის რთული იქნება ფესტივალის ასე კარგად ჩატარება

„თქვენ ამ ოლიმპიადით თამასა ისე მაღლა ასწია, რომ რუმინეთისთვის რთული იქნება ფესტივალის ასე კარგად ჩატარება“, – ამის შესახებ ევროპის ოლიმპიური კომიტეტების პრეზიდენტმა, სპიროს კაპრალოსმა განაცხადა და „ბაკურიანი 2025“ შეაჯამა.

კაპრალოსმა ოლიმპიადის შეფასება მადლიერების გამოხატვით დაიწყო და ფესტივალის წარმატებულად ჩატარებაში ორგანიზატორების როლი ხაზგასმით აღნიშნა.

„ძალიან ბედნიერები და იღბლიანები ვართ, რომ გვყავს მამუკა ხაბარელი და სხვა ორგანიზატორები, მოხალისეები, ვინც ფესტივალის ყველა მონაწილის ცხოვრება გაალამაზა. ჩვენ საქართველოში გავატარეთ მთელი კვირა, 7 შთამბეჭდავი დღე და ბედნიერები ვართ - ჩვენ, დელეგაციები, რომ ასეთი ფანტასტიკური შეჯიბრებები ჩატარდა. სრულყოფილი პირობები იყო შექმნილი – ეს არის, რისი თქმაც შემიძლია. თქვენ ამ ოლიმპიადით თამასა ისე მაღლა ასწიეთ, რომ რუმინეთისთვის რთული იქნება ფესტივალის ასე კარგად ჩატარება!“ - განაცხადა ევროპის ოლიმპიური კომიტეტების პრეზიდენტმა.

„ბაკურიანი 2025“ 9 თებერვალს გაიხსნა. 16 თებერვალს გამართულ ოფიციალური დახურვის ცერემონიაზე, დროშა მომავალ მასპინძელ ქვეყანას – რუმინეთს გადაეცა. ევროპის ახალგაზრდული ოლიმპიური ფესტივალი 2027 წელს, ქალაქ ბრაშოვში ჩატარდება.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.