ჩინეთის სპეციალური წარმომადგენელი უკრაინაში ვიზიტის დროს უკრაინის საგარეო საქმეთა მინისტრს დმიტრო კულებას შეხვდა. ინფორმაციას ამის შესახებ უკრაინის საგარეო საქმეთა სამინისტრო ავრცელებს.
გამოცემის ცნობით, ჩინეთის სახალხო რესპუბლიკის სპეციალურმა წარმომადგენელმა ლი ჰუეიმ და უკრაინის საგარეო საქმეთა მინისტრმა დმიტრო კულებამ უკრაინისა და ჩინეთს შორის ორმხრივ დონეზე და საერთაშორისო ორგანიზაციების ფარგლებში ურთიერთქმედების აქტუალური საკითხები განიხილეს, ასევე რუსული აგრესიის შეწყვეტის გზები.
“მან [კულებამ] აღნიშნა, რომ უკრაინა არ მიიღებს არანაირ წინადადებას, რომელიც მისი ტერიტორიების დაკარგვას ან კონფლიქტის გაყინვას ითვალისწინებს”, - წერია განცხადებაში.
კულებამ ასევე აღნიშნა უკრაინის პრეზიდენტის “სამშვიდობო გეგმისა” და შავი ზღვის მარცვლეულის ინიციატივის რეალიზაციაში, ბირთვული უსაფრთხოების უზრუნველყოფასა და სხვა მნიშვნელოვან საერთაშორისო ძალისხმევაში ჩინეთის მონაწილეობის მნიშვნელობა.