,
უკრაინელი მეხანძრეები უკვე ორ კვირაზე მეტია, რაც ებრძვიან ტყის ხანძრებს ჩერნობილის აკრძალულ ზონაზე და მეზობელი ჟიტომირის რეგიონში.
საგანგებო სიტუაციების მართვის სამსახურის ცნობით, მხოლოდ ბოლო რამდენიმე დღის განმავლობაში ხანძარმა ათეულობით ჰექტარ ფართობზე გაიარა. რამდენიმე დასახლება დაზარალდა.
ჟიტომირის და ჩერნობილის რეგიონში მომხადი ტყის ხანძრის შედეგად ჰაერის დაბინძურების ყველაზე მაღალი მაჩვენებელი დაფიქსირდა. საფრანგეთის ბირთვული და რადიაციული უსაფრთხოების ინსტიტუტი აღნიშნავს, რომ კვამლი ასევე აღწევს ევროპის სხვა ქალაქებსაც.
შინაგან საქმეთა სამინისტრო და საგანგებო სიტუაციების სახელმწიფო სამსახური ამტკიცებს, რომ ეს ხანძარი არ წარმოადგენს რადიაციის საფრთხეს, ბირთვული ნარჩენების შესანახი ობიექტები და ჩერნობილის ატომური ელექტროსადგურის ობიექტები ჩვეულ რეჟიმში მუშაობენ, ხოლო რადიაციის ფონი ნორმას შეესაბამება.
წყარო: euronews.com
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
