ბირთვული ომის საფრთხე ემუქრება მსოფლიოს, პაკისტანსა და ინდოეთს შორის მოსალოდნელი კონფლიქტის ესკალაციის გამო
გუშინ ინდოეთში, ჯამუ და ქაშმირის რეგიონის საკურარტო ქალაქ პაჰალგამში ისტორიაში ყველაზე მასშტაბური ტერორისტული თავდასხმა მოხდა, რის შედეგადაც სულ მცირე 27 ადამიანი დაიღუპა. თავდასხმაზე პასუხისმგებლობა აიღო პაკისტანურმა ისლამისტურმა ჯიჰადისტურმა ორგანიზაციამ, „წინააღმდეგობის ფრონტმა“---- ტყის მასივებიდან გამოსულმა 6-მა ტერორისტმა ცეცხლი გაუხსნეს დამსვენებლებს, რის შედეგადაც 30-ზე მეტი ადამიანი გარდაიცვალა ასამდე კი დაიჭრა.
რა ნაბიჯებს დგამენ პაკისტანი და ინდოეთი ახლა:
- პაკისტანს თავისი ჯარები სრულ საბრძოლო მზადყოფნაში მოჰყავს ინდოეთის მხრიდან ნებისმიერი ქმედების მოსაგერიებლად.
- ინდოეთი ხურავს საზღვარს პაკისტანთან, აძევებს ქვეყნიდან პაკისტანის ყველა მოქალაქეს და აჩერებს რიგ შეთანხმებებს. ასევე გააძევეს ყველა სამხედრო ატაშეც.
ინდოეთმა შეაჩერა მოქმედება იმ ისტორიული შეთანხმებისა, რომელიც ინდუსის მდინარის წყლებთან დაკავშირებით იყო მოქმედი 60 წლის განმავლობაში და მნიშვნელოვან როლს ასრულებდა ინდოეთ-პაკისტანის კონფლიქტის თავიდან აცილებაში. აღნიშნული შეთანხმება არეგულირებდა მდინარეების რესურსებზე წვდომასა და კონტროლს. ხელშეკრულების მოქმედება შეჩერდება იქამდე, სანამ პაკისტანი არ შეწყვეტს ტერორისტული ჯგუფების მხარდაჭერას საზღვრისპირა რეგიონებში.
- დაიხურა ატარი-ვაგაჰის სასაზღვრო გადასასვლელი პუნქტი. მათ, ვინც ამჟამად იმყოფება საზღვრის მიღმა, უკან დასაბრუნებლად ვადა მიეცათ პირველ მაისამდე.
- ინდოეთმა შეწყვიტა ვიზების გაცემა პაკისტანის მოქალაქეებისთვის. ისინი, ვინც უკვე იმყოფებიან ქვეყანაში, ვალდებულნი არიან 48 საათის განმავლობაში დატოვონ ინდოეთი.
- ინდოეთმა ქვეყნიდან გააძევა ყველა პაკისტანელი სამხედრო მრჩეველი პირველი მაისიდან შეამცირებს პაკისტანელ დიპლომატთა რაოდენობას 30-მდე. ამასთან, პაკისტანის სამხედრო ატაშე გამოაცხადა პერსონა ნონ გრატად.
- ჯამუ და ქაშმირში მიმდინარეობს მასშტაბური უსაფრთხოების ოპერაციები და პარალელურად, რეგიონში გაძლიერდა სამხედრო ძალების მობილიზებაც.
ინდური მედიის ცნობით, უახლოეს საათებში ინდოეთის შეიარაღებული ძალები გეგმავენ ფართომასშტაბიან ოპერაციას პაკისტანის მიერ კონტროლირებულ ტერიტორიაზე, რაც სერიოზულ რისკებს ქმნის და შესაძლოა ორ ქვეყანას შორის სამხედრო დაპირისპირება სრულმასშტაბიან ომში გადაიზარდოს.
.jpg)
