,
მსოფლიოს უმდიდრესი ადამიანი ბერნარ არნოა. ამის შესახებ Forbes-ი იტყობინება. ბერნარ არნო ფრანგული ჰოლდინგის LVMH- ის ხელმძღვანელია, რომელიც ფუფუნების საგნებს აწარმოებს და რომელიც ფლობს ბრენდებს Christian Dior, Louis Vuitton, Givenchy, Guerlain, Chaumet, Moët & Chandon და Hennessy.
ეს მას შემდეგ მოხდა, რაც Amazon-ის აქციები დაეცა 0.7 პროცენტით, ხოლო LVMH-ის აქციები გაიზარდა იგივე ოდენობით. შედეგად, Amazon-ის დამფუძნებელმა ჯეფ ბეზოსმა, რომელიც Forbes- ის მილიარდერების რეიტინგში პირველ ადგილს იკავებდა, დაკარგა 760 მილიონი დოლარი, ხოლო მეორე ადგილზე მყოფი არნოს ქონება1.9 მილიარდი დოლარით გაიზარდა.
ბერნარ არნოს და მისი ოჯახის სიმდიდრემ, პირველად 2019 წლის ივნისში 100 მილიარდ აშშ დოლარს გადააჭარბა. ამის შემდეგ LVMH– ის ხელმძღვანელი კიდევ 17 მილიარდი დოლარით გამდიდრდა.
არნოს და ბეზოსის გარდა, Forbes-ის მილიარდერების ხუთეულში შედიან Microsoft- ის დამფუძნებელი ბილ გეითსი, Berkshire Hathaway ხელმძღვანელი უორენ ბაფეტი და Facebook- ის დამაარსებელი მარკ ცუკერბერგი.
