USD 2.7623
EUR 2.9816
RUB 3.2758
თბილისი
ბექა ჭიჭინაძე - როგორ დაამარცხეს ქართველი მებრძოლებმა თურქი ჯადოქრები - ბაბა ილია და ბაბა იშაკი
თარიღი:  847
ბევრი წარმოუდგენელი ფურცელია ისტორიაში, მაგრამ ერთი ამბით ვერადავერ ვწყვეტ გაოცებას, ფილმის სცენარს ჰგავს, მოქმედების არეალია -1230-ანი წლების რუმის სასულთნო, პერსონაჟები - ფრანგი რაინდები, ქართველი მებრძოლები და თურქი ჯადოქრები - ბაბა ილია და ბაბა იშაკი
რელიგიის ისტორიის მკვლევრები ისტორიის ამ ჩვენში უცნობ ფურცელს რელიგიური მოძრაობების ერთ-ერთ ყველაზე შთამბეჭდავ მოვლენად მიიჩნევენ.
...
რუმის სულთნების ,,ლიბერალური" ტენდენციები საშინაო და საგარეო პოლიტიკაში უკმაყოფილებას იწვევდა რადიკალურ რელიგიურ წრეებში. 1240 წელს სასულთნოში გამოჩნდა რელიგიური შარლატანი - ბაბა ილია, რომელიც ახდენდა ,,სასწაულებს" და ელაპარაკებოდა ღმერთს, მან თავი ღვთისაგან მოვლენილ რესულ ულლაჰად გამოაცხადა და მოაწყო დიდი აჯანყება ,,ურჯულო სულთნის" - ყიასედდინ ქაიხუსრევ მეორის დასამხობად.
ბაბა ილიამ ,,იწინასწარმეტყველა" რომ ღმერთი მას და მის მიმდევრებს დიდ გამარჯვებას მიმადლებდა, მას უამრავი თურქმენი შეუერთდა, სექტანტებისაგან მალე აღებულ იქნა სივასი და ამასია, შემდეგ კი სამხრეთ ანატოლიის მნიშვნელოვანი ნაწილი, სულთნის დღეები დათვლილი იყო, რელიგიურად ეგზალტირებული ბრბო მის დასამხობად მიემართებოდა.
სულთანმა შეძლო მნიშვნელოვანი ძალების მობილიზება და ამასიაში ბაბა ილიას შეუტია, მაგრამ სწორედ ამ დროს ეს ჯადოქარი დაუკავშირდა თურქმენთა სხვ ცნობილ მჩხიბავს - ბაბა იშაკს, რომელსაც აგრეთვე დიდი ჯადოქრის სახელი ჰქონდა, ჯადოქრები შეთანხმდნენ ერთად ემოქმედათ სულთნის წინააღმდეგ, სწორედ იმ მომენტში, როცა სულთანმა ქაიხუსრევმა ბაბა ილიას ამასიაში შეუტია, კეფერსუდში მეორე ჯადოქარი - ბაბა იშაკი აჯანყდა, აჯანყებულებმა ხელში ჩაიგდეს კეფერსუდი, ჰისნ-მანსური და მალაქიისაკენ დაიძრნენ, მათი რიცხვი თანდათან იზრდებოდა.
ბაბა იშაკის წინააღმდეგ მობილიზებული სელჩუკი მებრძოლები არ დაემორჩილნენ სულთნის ბრძანებას ეომეათ მის წინააღმდეგ, რადგანაც ისინი თავზარდაცემული იყვნენ ჯადოქრის ზებუნებრივი უნარების შესახებ მოარული ხმებით.
გამოუვალ სიტუაციაში ჩავარდნილ სულთანს გამოსავლად ქრისტიანი ფრანგი მოქირავნე რაინდები მოევლინნენ, რომელთაც გადაწყვიტეს ვაჟკაცურად დაპირისპირებოდნენ ,,სატანის მიმდევრებს", მაგრამ ბაბა იშაკის აგზნებულმა მიმდევრებმა ფრანგთა დამარცხება შეძლეს და მათი საჭურველიც ხელში ჩაიგდეს. ამასობაში, ამასიაში სულთნის ნაწილებთან ბრძოლაში ჯადოქარი ბაბა ილია დაიღუპა, მაგრამ ბაბა იშაკი კვლავაც ძლევით მოიწევდა ამასიისკენ და გზად მრავალი მომთაბარე თურქმანი უერთდებოდა, მათი შეკავება ვერაფერმა შეძლო, სასოწარკვეთილი სულთანი ყუბადაბადში გაიქცა.
ამასიაში მისულმა ბაბა იშაკმა გამოაცხადა, რომ მისი თანამზრახველი ჯადოქარი, ბაბა ილია არ მომკვდარა და სინამდვილეში ზეცაში ავიდა, რათა იქიდან ანგელოზთა ლაშქართან ერთად დაბრუნებულიყო, ბაბა ილიას მთელი სექტა ქალების და ბავშვების ჩათვლით მთელი ძალით ღრიალებდა მკვდარი ჯადოქრის წოდებას: ბაბა რესულლაჰ !
სულთანმა დაინახა რა, რომ ჯადოქრის შემაკავებლად ფრანგები არ კმაროდნენ, სელჩუკებს კი გრძნეულების ეშინოდათ, მოიხმო მთელ აღმოსავლეთში ყველაზე მაღალი საბრძოლო უნარების მოქირავნეები - ქართველები და ქურთები, რომლებიც ჯადოქარ ბაბა იშაკის წინააღმდეგ კირშეჰირში გაგზავნა, ბრძოლა ფრანგებმა და ქართველებმა დაიწყეს, ჯადოქრის გააფთრებულმა მიმდევრებმა სასტიკი იერიში წამოიწყეს, სულთნის სელჩუკები ამ დროს ბრძოლას შორიდან აკვირდებოდნენ, როცა დაინახეს რომ არანაირ ზებუნებრივ ჩარევას ადგილი არ ჰქონდა და რამდენიმე დღის წინ მკვდარი ჯადოქარი - რესულლაჰ ბაბა ილიაც არა და არა ბრუნდებოდა ანგელოზთა ლაშქართან ერთად, თვითონაც ჩაერთვნენ ბრძოლაში. საბოლოოდ, ქართველი, ფრანგი და ქურთი მოქირავნეების წყალობით, სასტიკი ჟლეტა ჯადოქრის დამარცხებით და ბრძოლის ველზე დაღუპვით დასრულდა.
აქედან დაიწყო ქართველთა და ფრანგთა მეგობრობა რუმის სასულთნოში, ქართველთა ნაწილების სარდალი ამ ბრძოლაში, შესაძლოა, შალვა ახალციხელის ვაჟი - ფარადავლა თორელი ყოფილიყო, რადგანაც ამ მოვლენიდან მალევე იგი სულთნის ერთ-ერთ ყველაზე მამაც სარდლად მიიჩნევა.
სულთანმა ყიასედდინმა მონღოლებთან შეტაკებამდე სარდალთა თათბირი გამართა, მათი უმეტესობა შეშფოთებული იყო და სულთანს თავის შეკავებას ურჩევდა, ამ დროს ფარადავლა თორელმა, შალვა ახალციხელის ვაჟმა განაცხადა:
,,ესენი ლაჩრები არიან და ეშინიათ, მოაცილეთ აქედან, დაე სულთანმა მის ლაშქარში მყოფი ქართველები და ფრანგები მიბოძოს და მე შევებმები მონღოლებს, თუნდაც ისინი მართლაც ისეთები იყვნენ, როგორც ყვებიან".
შესაძლოა აქ ფარადავლას უფრო ადრეული შემთხვევაც ჰქონდა მხედველობაში, როცა სელჩუკებს ჯადოქრებთან ბრძოლის ეშინოდათ და წინამძღვრობა ქართველებმა და ფრანგებმა იკისრეს.
მიყევით ბმულს - ბექა ჭიჭინაძე
 
კულტურა
«Frankfurter Allgemeine Zeitung» (გერმანია): „ქართული სამზარეულოს მრავალფეროვნება: ტრადიციული სუფრის თავისებურებები“

„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).

გთავაზობთ პუბლიკაციას შემოკლებით:

„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.

ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...

ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.

ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.

„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...

ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.

რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.

ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.

მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს  სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.

თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.