,
რუსეთის პრეზიდენტი ვლადიმერ პუტინი სირიის ლიდერს, ბაშარ ასადს შეხვდა. რუსული მედიის ცნობით, ასადი მოსკოვში გამოუცხადებელი ვიზიტით ჩავიდა.
კრემლის ლიდერის განცხადებით, ის მოხარულია სირიელი კოლეგის სტუმრობით და ამასთან, მას არჩევნებში კარგი შედეგი მიულოცა.
გარდა ამისა, პუტინმა პრობლემა უწოდა სირიაში ქვეყნის ხელისუფლების თანხმობის გარეშე, უცხო ქვეყნის ძალების ყოფნას.
26 მაისს, ბაშარ ასადმა სირიის საპრეზიდენტო არჩევნებში მეოთხედ გაიმარჯვა. მიუხედავად ოპოზიციის პროტესტისა და განცხადებებისა, რომ არჩევნები არალეგიტიმური და მისი შედეგები - გაყალბებულია, ასადმა ქვეყნის პირველი პირის თანამდებობა მომდევნო 7 წლით ჩაიბარა.
უკრაინის შესახებ დონალდ ტრამპის გეგმა, შესაძლოა, მოლაპარაკებების საფუძველი გახდეს, - ამის შესახებ კრემლის პრესსპიკერმა, დიმიტრი პესკოვმა განაცხადა.
„ამჟამად, ერთადერთი არსებითი პროექტი ამერიკული, ტრამპის პროექტია. მიგვაჩნია, რომ ეს შეიძლება მოლაპარაკებების კარგი საფუძველი გახდეს და ამის შესახებ პრეზიდენტმა პუტინმაც ისაუბრა“, - განაცხადა დიმიტრი პესკოვმა.
მისი თქმით, „უკრაინის კონფლიქტის მოგვარების შესახებ მიმდინარე მოლაპარაკებებში მოგვიანებით ევროპელების მონაწილეობა აუცილებელი იქნება“.
„ბუნებრივია, რომ ევროპის უსაფრთხოების სისტემის განხილვა და უსაფრთხოების გარანტიებზე საუბარი ევროპელების მონაწილეობის გარეშე პრაქტიკულად შეუძლებელია. გარკვეულ ეტაპზე მათი მონაწილეობა საჭირო გახდება“, - აღნიშნა პესკოვმა.
ასევე, პესკოვის ცნობით, აშშ-ის „სამშვიდობო გეგმის“ ტექსტი უკვე შეიცვალა.
„ამერიკელებსა და უკრაინელებს შორის მოლაპარაკებები მიმდინარეობს. გვესმის, რომ ტექსტში, რომელიც გამოქვეყნდა, გარკვეული ცვლილებები შედის. გვესმის, რომ ტექსტმა, რომელიც არაოფიციალურად ნაადრევად მივიღეთ, ცვლილებები განიცადა“, - განაცხადა კრემლის პრესსპიკერმა.
