აშშ-ში, ჯორჯიას შტატის ქალაქ ტაიბი-აილენდის ერთ-ერთი ბარის მეპატრონემ, რომელსაც კორონავირუსის გამო მოუწია ბარის დაკეტვა, თანამშრომლებისთვის ხელფასის გადახდის ორიგინალური ხერხი გამოიყენა. «The Sand Bar»-ს მეპატრონე ჯენიფერ ნოკსი ბარის თანამშრომლებს ბარის კედლებზე და ჭერზე მიმაგრებული დოლარის ბანკნოტებით გაუსწორდა.
ჯენიფერი ყვება, რომ ბარში 15 წლოვანი ტრადიცია ჩამოყალიბდა და ამ ტრადიციის თანახმად, ბარის სტუმრები დოლარის ბანკნოტებზე წერდნენ თავიანთ სახელებს ან სურვილებს და აკრავდნენ ბარის კედლებზე.
”ჩვენ ვიფიქრებთ და გადავწყვიტეთ, რომ ბარის თანამშრომლებისთვის კედელზე მიკრული კუპიურებით გადაგვეხადა ფული. სამი დღე დაგვჭირდა რომ ყველა კუპიურა ჩამოგვეხსნა და საერთო ჯამში 3714 დოლარი მოვაგროვეთ.“ - ამბობს ჯენიფერ ნოკსი.
ბარის ყოფილმა კლიენტებმა, როდესაც ჯენიფერის გადაწყვეტილების შესახებ გაიაგეს კიდევ 400 დოლარი შესწირეს ბარს, რომ მას თანამშრომლების ხელფასის გადახდა შესძლებოდა და შემოწირულობები კიდევ გრძელდება.
”ჩვენ ყველანი ვზრუნავთ ერთმანეთზე და ერთად გადავიტანთ ამ რთულ პერიოდსაც”, - ამბობს ჯენიფერი.