,
აზერბაიჯანს, თურქეთსა და საქართველოს შორის გაფორმდა ურთიერთგაგების მემორანდუმი „ბაქო-თბილისი-ყარსის სარკინიგზო ხაზის გასწვრივ ტვირთების გადაზიდვის ორგანიზების შესახებ“.
აზერბაიჯანი, თურქეთი და საქართველო ბაქო-თბილისი-ყარსის რკინიგზით ტვირთების გადაზიდვის ორგანიზების შესახებ ურთიერთშეთანხმების მემორანდუმი გაფორმდა.
ამის შესახებ აზერბაიჯანული მედია „აზერბაიჯანის რკინიგზის“ ხელმძღვანელ რავშან რუსტამოვზე დაყრდნობით წერს.
“VII საერთაშორისო სატრანსპორტო-ლოგისტიკური ბიზნეს ფორუმის New Silk Way-ს ფარგლებში, რომელიც ყაზახეთში მიმდინარეობს თურქეთისა და საქართველოს რკინიგზის ხელმძღვანელებთან „ბაქო-თბილისი-ყარსის რკინიგზაზე ტვირთების გადაზიდვის შესახებ“ ურთიერთშეთანხმების მემორანდუმი გავაფორმეთ. დოკუმენტში გაწერილია BTK-ს უფრო სწრაფი, მდგრადი და ამავე დროს კონკურენტუნარიანი სატრანსპორტო ხაზის განვითარებისთვის ერთობლივად გადასადგმელი ნაბიჯები.
ჩვენი მთავარი მიზანი - ბაქო-თბილისი-ყარსის რკინიგზაზე სტაბილური და განჭვრეტადი მუშაობის ფორმირება, ტვირთის გადამზიდავებისთვის პირობების გაუმჯობესება და გადაზიდვების მოცულობის გაზრდა“, - განაცხადა აზერბაიჯანის რკინიგზის ხელმძღვანელმა.
აშშ-მა ვენესუელური Cartel de los Soles-ი უცხოურ ტერორისტულ ორგანიზაციად გამოაცხადა, - ინფორმაციას The Hill-ი აშშ-ის ფედერალურ რეესტრზე დაყრდნობით ავრცელებს.
აშშ-ის სახელმწიფო დეპარტამენტმა ვენესუელის პრეზიდენტთან, ნიკოლას მადუროსთან დაკავშირებული Cartel de los Soles-ისთვის უცხოური ტერორისტული ორგანიზაციის სტატუსის მინიჭების შესახებ ოფიციალურად გამოაცხადა.
გამოცემის ცნობით, Cartel de los Soles-ის უცხოურ ტერორისტულ ორგანიზაციად გამოცხადება დონალდ ტრამპის ადმინისტრაციას ნიკოლას მადუროს წინააღმდეგ მოქმედებისთვის დამატებით შესაძლებლობას ანიჭებს.
„გადაწყვეტილება თეთრ სახლს უფრო ფართო უფლებამოსილებას მისცემს, რათა სანქციები დააწესოს და მადუროს აქტივებზე ზეწოლა განახორციელოს“, - წერს გამოცემა.
აშშ-ის სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი, ივან გილი გამოეხმაურა და განაცხადა, რომ „მიზანი ვენესუელის წინააღმდეგ უკანონო ინტერვენციაა“.
„ვენესუელა კატეგორიულად უარყოფს აშშ-ის სახელმწიფო მდივნის, მარკო რუბიოს ახალ და აბსურდულ გამოგონებას. ამ ნაბიჯის მიზანი ვენესუელის წინააღმდეგ უკანონო ინტერვენციის გამართლებაა, აშშ-ის კლასიკური რეჟიმის შეცვლის ფორმატით. ამ მანევრსაც იგივე ელის, რაც ჩვენი ქვეყნის წინააღმდეგ განხორციელებულ ყველა აგრესიას: წარუმატებლობა“, - აღნიშნა ვენესუელის საგარეო საქმეთა მინისტრმა.
