USD 2.7576
EUR 3.0438
RUB 3.2697
თბილისი
ბაიდენისა და ტრამპის დებატების შემდეგ ამერიკის პოლიტიკური დღის წესრიგი თითქოს თავდაყირა დადგა - გიორგი კობერიძე
თარიღი:  
მიუხედავად იმისა, რომ ბაიდენის ასაკზე - 82 წელი - თითქოს მანამდეც აქტიურად მიმდინარეობდა საუბარი, დებატების შემდეგ თვით დემოკრატიული პარტიის წარმომადგენლებმაც კი დაიწყეს მის შესაძლო ჩანაცვლებაზე საუბარი. არჩევნებამდე ძალიან ცოტა დრო რჩება. ბაიდენს კი, როგორც ძალიან ჯიუტ პოლიტიკოსს ისე აფასებენ. ეს კი ნიშნავს, რომ მისი ჩანაცვლების პროცესის დაძვრის შემთხვევაში რამდენად დასთანხმდება იგი ამას, საკითხავია. აღსანიშნავია ისიც, რომ პირველად ხდება, როდესაც დემოკრატიული პარტიისაკენ გადახრილი მედია საშუალებები ღიად საუბრობენ ბაიდენის ჩანაცვლებაზე.
 
არჩევანიც არ აქვთ ბევრი დემოკრატიულ პარტიაში. წინა თვეებში რამდენჯერმე გაჟღერდა მიშელ ობამას ვარიანტი, მაგრამ მალევე იქნა უკუგდებული - მიშელ ობამას პოლიტიკა არ უყვარს და არც გამოცდილება აქვს. საუბარი იყო ჰილარი კლინტონის ვარიანტზეც, თუმცა აქ თავად ჰილარის მხრიდან თანხმობა იქნება საეჭვო. პლუს დამარცხებული კანდიდატის დაბრუნება საორჭოფოა. დიდი ხანია ლაპარაკობენ ენტონი ბლინკენის - აშშ-ს მოქმედი სახელმწიფო მდივანი - მომავალ პოლიტიკურ გეგმებზეც. მისი ვარიანტი ოპტიმალური იქნებოდა, მაგრამ დემოკრატიული პარტია რამდენად დასთანხმდება მის ფიგურას უცნობია. ვიცე-პრეზიდენტის, კამალა ჰარისის ვარიანტი კი ნაკლებად გონივრული შეიძლება აღმოჩნდეს, რადგან მისი რეიტინგი ძალიან დაბალია, ისევე როგორც ქარიზმა. მეოთხე ვარიანტი გევინ ნეუსომია, კალიფორნიის გუბერნატორი. იგი პოპულარული პოლიტიკოსია და ძალიან კარგად იცნობენ. ზოგადად, გუბერნატორები რეალისტური ალტერნატივები არიან - ჯოშ შაპირო, გრეთჰენ ვიტმერი, ჯბ პრიცკერი და სხვა. ყველა მათგანი აქტიური მოდებატე და პოლიტიკური მართვის გამოცდილების მქონეა.
 
აღსანიშნავია ისიც, რომ აშშ-ს საპრეზიდენტო არჩევნები პირდაპირი წესით არ ტარდება. სულ რომ რამდენიმე მილიონი ხმით გაიმარჯვოს კანდიდატმა, მაინც შეიძლება დამარცხდეს, რადგან შტატებს თავიანთი ხმები აქვთ მინიჭებული, დელეგატებით/ელექტორებით გამოხატული. კანდიდატმა რომელიმე შტატი რომ მოიგოს თუნდაც ერთი ხმით, ნიშნავს რომ ყველა გამოყოფილი დელეგატის ხმა მასთან მიდის. სულ 538 დელეგატის ხმაა 50 შტატზე განაწილებული. 270 ელექტორია საჭირო იმისათვის, რომ კანდიდატი პრეზიდენტი გახდეს. ამ არჩევნებზე მთავარი 7 შტატი იქნება: ნევადა, არიზონა, ვისკონსინი, მიჩიგანი, პენსილვანია, ჯორჯია და ჩრდილოეთ კაროლინა. მიუხედავად იმისა, რომ აშშ-ს დიდ ნაწილში იდეოლოგიურად ჩამოყალიბებული და პარტიულად მიკუთვნებული მოსახლეობა ცხოვრობს, რამდენიმე შტატში გადაუწყვეტელი ამომრჩევლის რაოდენობა დიდია, რაც არჩევნებიდან არჩევნებამდე საერთო სურათს ცვლის ხოლმე დემოკრატიული ან რესპუბლიკური პარტიების კანდიდატების სასარგებლოდ.
 
რეალურად ბაიდენი დარჩება თუ არა კანდიდატად რამდენიმე დღიდან რამდენიმე კვირაში გახდება ცნობილი. თუკი იგი დარჩა, მას საკუთარ თავზე ძალიან დიდი მუშაობა მოუწევს. როგორც ითქვა, იგი ჯიუტი პოლიტიკოსია და შეიძლება დღევანდელმა სუსტმა გამოსვლამ დამატებითი მოტივაციაც მისცეს. დღეს მან უკვე ისაუბრა, რომ "შეიძლება ისეთივე ახალგაზრდა არ ვარ როგორც აქამდე ვიყავი, მაგრამ კარგად მესმის როგორ უნდა ვაკეთო საქმეო". მას ადრეც ჰქონია პრობლემები, მათ შორის მეტყველებასთან დაკავშირებით, მაგრამ უმუშავია და გადაულახავს ეს. ვნახოთ ახლა რა იქნება.
კულტურა
«Frankfurter Allgemeine Zeitung» (გერმანია): „ქართული სამზარეულოს მრავალფეროვნება: ტრადიციული სუფრის თავისებურებები“

„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).

გთავაზობთ პუბლიკაციას შემოკლებით:

„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.

ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...

ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.

ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.

„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...

ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.

რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.

ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.

მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს  სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.

თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.