,
აზერბაიჯანის თავდაცვის სამინისტროს ინფორმაციით, სომხურმა სამხედრო შენაერთებმა საზღვარზე ცეცხლსასროლი იარაღიდან აზერბაიჯანულ პოზიციებს ცეცხლი გაუხსნეს.
როგორც თავდაცვის უწყების მიერ გავრცელებულ ოფიციალურ განცხადებაშია ნათქვამი, ინციდენტი გორუსისა და ჩამბარაკის რაიონებში მოხდა.
„აზერბაიჯანის საჯარისო შენაერთებმა აღნიშნული მიმართულებებით ადეკვატურ ზომებს მიმართეს“, - აღნიშნულია აზერბაიჯანის თავდაცვის სამინისტროს განცხადებაში.
თავის მხრივ, განცხადება გაავრცელა სომხეთის თავდაცვის სამინისტრომაც, სადაც აღნიშნულია, რომ აზერბაიჯანელების ინფორმაცია რეალობას არ შეესაბამება.
„აზერბაიჯანის თავდაცვის სამინისტროს მიერ გავრცელებული განცხადება იმის თაობაზე, რომ 13 მაისს 08:45 და 09:30 შუალედში სომხეთის რესპუბლიკის შეიარაღებულმა ძალებმა საზღვრის აღმოსავლეთითა და სამხრეთით განლაგებულ აზერბაიჯანულ პოზიციებს ცეცხლი გაუხსნეს, რეალობას არ შესაბამება“, - აღნიშნულია განცხადებაში
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
