ავღანეთში დაუდგენელმა პირებმა გაიტაცეს თვითმფრინავი, რომელსაც ქვეყნიდან უკრაინელები უნდა გაეყვანა და სხვა მგზავრები ირანში ჩაიყვანეს. ამის შესახებ უკრაინის საგარეო საქმეთა მინისტრის მოადგილემ, ევგენი ენინმა განაცხადა.

"ჩვენი თვითმფრინავი სხვა ადამიანებმა გაიტაცეს. წინა სამშაბათს ფაქტობრივად თვითმფრინავი მოგვპარეს - უკრაინელების გაყვანის ნაცვლად, ის მგზავრების უცნობი ჯგუფით ირანში გაფრინდა", - განაცხადა მინისტრმა.

მისი თქმით, გამტაცებლები ცეცხლსასროლი იარაღით იყვნენ შეიარაღებულები.