,
ვერძი (21 მარტი - 20 აპრილი)
ეცადეთ, ნაყოფიერი დღისთვის განეწყოთ და თქვენი განწყობა სამუშაოს ხარისხზე აისახება. თქვენს მონდომებას და პროფესიონალიზმს შენიშნავენ და მალე დამსახურებულ ჯილდოს მიიღებთ. ახლობელი ადამიანი საინტერესო იდეას გაგიზიარებთ, რომელსაც მალე მოგებიანად განახორციელებთ.
კურო (21 აპრილი - 21 მაისი)
ამ დღეს გარშემო მყოფებისთვის საკუთარი არგუმენტების წარმოდგენა და მიზნების მიღწევის გზაზე პრინციპულობის გამოვლენა მოგიწევთ. მთლიანობაში, მშვიდი დღეა და სირთულეები არ გელით. გირჩევთ, საღამოს მეგობრებს ესტუმროთ - ეს განწყობას აგიმაღლებთ და ძალას შეგმატებთ.
ტყუპები (22 მაისი - 21 ივნისი)
გირჩევთ, ეს დღე საყვარელ ადამიანებზე ზრუნვას, მათი პრობლემების მოგვარებას და გულწრფელ საუბრებს დაუთმოთ. პროფესიული საკითხების მოსაგვარებლად აჩქარება საჭირო არ არის, შეგიძლიათ მშვიდად იმუშაოთ. შეიძლება ახალი საქმის დაწყება ან მიმართულების შეცვლა მოგიწიოთ. გირჩევთ, ამ დროს სიფრთხილე გამოიჩინოთ.
კირჩხიბი (22 ივნისი - 22 ივლისი)
გასაკეთებელი ბევრია, მაგრამ ეცადეთ, ნელა იმოქმედოთ და პროცესი მუდმივად აკონტროლოთ. თქვენს პროფესიონალიზმს მნიშვნელოვან ადამიანები შენიშნავენ და შეიძლება ერთგვარი წახალისება მიიღოთ. დაუმსახურებელი კრიტიკის და შენიშვნების თავიდან ასაცილებლად ეცადეთ, ურთიერთობები მინიმუმამდე შეამციროთ და სხვების დახმარების გარეშე იმუშაოთ.
ლომი (23 ივლისი - 23 აგვისტო)
დღის პირველი ნახევარი ნერვული და ემოციურად დატვირთული იქნება. სავარაუდოდ, ბევრი პრობლემის გადაჭრა და სირთულის გადალახვა მოგიწევთ. საღამოს სიტუაცია გამოსწორდება და შეიძლება ცოტა დაისვენოთ. შესანიშნავი დღეა ახალი პროექტის დასაწყებად. მთავარია, არავის ენდოთ და ნებისმიერი ინფორმაცია გადაამოწმოთ.
ქალწული (24 აგვისტო - 23 სექტემბერი)
ამ დღეს გარემოებები თქვენ წინააღმდეგ მოქმედებს, ამიტომ ძალიან არ უნდა იაქტიუროთ. თუ შესაძლებელია, უარი თქვით დამატებით პასუხისმგებლობებზე და უკვე დაწყებული საქმეები დაასრულეთ. თქვენი გარემოცვიდან ვიღაც თქვენს მოტყუებას ცდილობს, ამიტომ არავის უნდა ენდოთ და დამოუკიდებლად იმოქმედოთ.
სასწორი (24 სექტემბერი - 23 ოქტომბერი)
დილიდან სამუშაო რიტმში შესვლა გიჭირთ და ცდილობთ, საკუთარ მოვალეობებს გაექცეთ. შუადღის შემდეგ მუშაობა და გადაწყვეტილების მიღება გაცილებით ადვილი იქნება, ამიტომ ეცადეთ, მნიშვნელოვანი საქმეების ამ დროისთვის დაგეგმოთ. გამორიცხული არ არის მოგებიანი შეთავაზება, რომელიც კარგ შემოსავალს და მნიშვნელოვან გამოცდილებას მოგიტანთ. შეიძლება, მნიშვნელოვან ადამიანს შეხვდეთ, რომელიც თქვენს მომავალზე გავლენას მოახდენს.
მორიელი (24 ოქტომბერი - 22 ნოემბერი)
ყურადღება მიაქციეთ ჯანმრთელობას, ეცადეთ, იმუნური სისტემა გაიძლიეროთ და ჯანსაღი საკვები მიიღოთ. სასურველია, ავადმყოფობის პირველივე სიმპტომის შემთხვევაში ექიმს მიმართოთ. საღამოს შეგიძლიათ საკუთარ თავს საჩუქარი გაუკეთოთ, რა თქმა უნდა, თუ ბიუჯეტი ამის საშუალებას გაძლევთ.
მშვილდოსანი (23 ნოემბერი - 21 დეკემბერი)
თუ ფრთხილად და წესების ფარგლებში იმოქმედებთ, შეცდომების თავიდან აცილებას შეძლებთ. ეცადეთ, ურთიერთობისთვის ოპტიმისტები შეარჩიოთ, რაც კარგი განწყობის შენარჩუნებაში დაგეხმარებათ. დღის მეორე ნახევარში საინტერესო შეხვედრები გელით.
თხის რქა (22 დეკემბერი - 20 იანვარი)
ამ დღეს ზედმეტმა აქტიურობამ შეიძლება სარგებლის ნაცვლად, პრობლემები გამოიწვიოს. ვარსკვლავები გირჩევენ, რომ დრო მშვიდად გაატაროთ და ყველა მნიშვნელოვანი და საპასუხისმგებლო საქმე სხვა დროისთვის გადადოთ. მოერიდეთ ნეგატიურად განწყობილ, შურიან ადამიანებს, რომლებიც ერთს ფიქრობენ, მეორეს ამბობენ და მესამეს აკეთებენ.
მერწყული (21 იანვარი - 18 თებერვალი)
ეტაპობრივ მოქმედებაზე გათვლილი სამოქმედო გეგმა ძალიან დაგეხმარებათ და საქმის სწრაფად დასრულების საშუალებას მოგცემთ. თავი შეიკავეთ ახალი პროექტის დაწყებისგან, სანამ ყველა, თითქოს უმნიშვნელო ინფორმაციას არ გადაამოწმებთ. დღის მეორე ნახევარი გაცილებით ნაყოფიერია, ამიტომ მოლაპარაკებები ან საქმიანი შეხვედრები ამ დროისთვის უნდა დაგეგმოთ.
თევზები (19 თებერვალი - 20 მარტი)
ვარსკვლავები გირჩევენ, სიტუაცია რეალურად შეაფასოთ და პრობლემები არ დამალოთ. რასაც არ უნდა აკეთებდეთ, ძალიან ფრთხილად და მოზომილად უნდა იმოქმედოთ და რისკები შეაფასოთ. მეტი ურთიერთობა გქონდეთ გარშემო მყოფებთან - ამ დღეს ვიღაც ახალი პროექტისთვის შესანიშნავ იდეას მოგაწვდით.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
