რას გვირჩევენ ვარსკვლავები 25 მაისისთვის:

ვერძი (21 მარტი - 20 აპრილი)

მშვენიერი დღეა ადრე დაწყებული საქმეების დასასრულებლად. ვარსკვლავები გირჩევენ, რომ რადიკალურ ცვლილებებს მოერიდოთ. განსაკუთრებული სიფრთხილით უცნობ საქმეებს უნდა მოეკიდოთ. შესაძლოა, მაცდური შეთავაზებები მიიღოთ, მაგრამ ინფორმაციის შესწავლამდე ნუ დათანხმდებით. გარდა ამისა, ზუსტად უნდა იცოდეთ, თქვენგან რას მოელიან.

 კურო (21 აპრილი - 21 მაისი)

ამ დღეს ადამიანებთან საერთო ენის პოვნის უნარი ძალიან გამოგადგებათ. ამ უნარის წყალობით მოკავშირეებსაც იპოვით და კონფლიქტების თავიდან აცილებასაც შეძლებთ. ხანმოკლე მოგზაურობა კარგად ჩაივლის - სასიამოვნო შთაბეჭდილებების გარდა, შეიძლება მოგებიანი შესყიდვები განახორციელოთ ან საინტერესო გარიგებები დადოთ. დღის მეორე ნახევარში შესაძლებლობა გექნებათ, რომ საყვარელ ადამიანს დაეხმაროთ.

ტყუპები (22 მაისი - 21 ივნისი)

მიზანს აუცილებლად მიაღწევთ, მაგრამ იოლი გამარჯვების იმედი ნუ გექნებათ. თუ გავლენიანი ადამიანის მხარდაჭერას ელით, ჭორების საბაბი არ უნდა მისცეთ. მოსალოდნელია ახალი ნაცნობობა, რომელსაც შეიძლება რომანტიკული გაგრძელება მოჰყვეს. ამ დღეს ყველაზე კარგად გარშემომყოფთა მოხიბვლა გამოგდით, თანაც განსაკუთრებული ძალისხმევის გარეშე.

კირჩხიბი (22 ივნისი - 22 ივლისი)

შესაძლოა ამ დღემ სირთულეები და პრობლემები მოიტანოს, მაგრამ უახლოესი ადამიანების დახმარებით ადვილად გაუმკლავდებით. ინტუიცია ზუსტად გიკარნახებთ, ვის შეგიძლიათ ენდოთ და ვის უნდა მოერიდოთ. დღის მეორე ნახევარში დაუგეგმავი შეხვედრები და დაუპატიჟებელი სტუმრები გელით - ზოგი მათგანი საჩუქრებს მოგიტანთ, ზოგი კი კარგ იდეას და შეთავაზებებს. ძველი წყენის გამო შესაძლოა საყვარელ ადამიანთან იკამათოთ.

ლომი (23 ივლისი - 23 აგვისტო)

ხელსაყრელი დღეა საქმიანი პარტნიორების მოსაძებნად - კარგად იცით, ადამიანები საკუთარი იდეებით როგორ დააინტერესოთ. სავარაუდოდ, მნიშვნელოვან ფინანსურ შემოსავალს მიიღებთ და იპოვით გზას, რომ მიღებული თანხა სწორად განკარგოთ. ეს შეიძლება წარმატებული შენაძენი ან ხელსაყრელი ინვესტიცია იყოს. საღამოს შესაძლებლობა გექნებათ, რომ დიდი ხნის უნახავი ადამიანები ნახოთ.

ქალწული (24 აგვისტო - 23 სექტემბერი)

ამ დღეს დაბრკოლების გადალახვას შეძლებთ, თუმცა ეს დიდ დროს და ძალას წაგართმევთ. ამიტომ საღამოსთვის რაიმე დამღლელი აქტივობა არ დაგეგმოთ. უმჯობესია დრო მშვიდად გაატაროთ და ძალები აღადგინოთ. დღეს ფულთან დაკავშირებულ ნებისმიერ საკითხს სწრაფად და სწორად მოაგვარებთ. შეიძლება რთული გადაწყვეტილების მიღება მარტო მოგიწიოთ. გახსოვდეთ, რომ თქვენს პრობლემებს თქვენზე უკეთ ვერავინ გაუმკლავდება.

სასწორი (24 სექტემბერი - 23 ოქტომბერი)

ამ დღეს საშუალება გექნებათ, სასიამოვნო ადამიანებს ესაუბროთ. სავარაუდოდ, ახალ ნაცნობებს თქვენი იდეებით დააინტერესებთ და მათ სიმპათიას მოიპოვებთ. იღბლიანი შემთხვევა საშუალებას მოგცემთ მოგებიანი შესყიდვა განახორციელოთ ან ფული ხელსაყრელი პირობებით დააბანდოთ.

მორიელი (24 ოქტომბერი - 22 ნოემბერი)

ამ დღეს შეცდომების გამოსარიცხად მხოლოდ კარგად ნაცნობი საქმეები უნდა აკეთოთ. ნათესავი ქალი თქვენს საქმეებში ჩარევას ცდილობს, რაც ძალიან გაღიზიანებთ, თუმცა კონფლიქტამდე საქმე არ მივა. გირჩევთ, პირადი ცხოვრების მნიშვნელოვან საკითხებზე სხვების თანდასწრებით არ ილაპარაკოთ.

მშვილდოსანი (23 ნოემბერი - 21 დეკემბერი)

ფრთხილად იყავით. თუ ემოციების გავლენით იმოქმედებთ, შესაძლოა, საკუთარ თავს პრობლემები შეუქმნათ. გაღიზიანების ნაცვლად, ეცადეთ, კრიტიკა მშვიდად მიიღოთ და მოსაუბრეს გასაგებად აუხსნათ, რისი გაკეთება გსურთ და რატომ. ეს დაგეხმარებათ თავიდან აიცილოთ სერიოზული სირთულეები.

თხის რქა (22 დეკემბერი - 20 იანვარი)

დღე იდეალურია დასვენებისთვის. გირჩევთ, ყველაფერი გვერდზე გადადოთ და ძალები აღიდგინოთ. ძველ მეგობრებთან შეხვედრა დადებით ემოციებს და სიხარულს მოგანიჭებთ. თუ სახლში სიტუაცია დაძაბულია, ჩხუბის მიზეზი შეიძლება ნებისმიერი წვრილმანი გახდეს.

 მერწყული (21 იანვარი - 18 თებერვალი)

ადამიანები, რომლებიც ადრე თქვენს შეხედულებებს არ იზიარებდნენ, ახლა მზად არიან დაგეხმარონ და თქვენი მოკავშირეები გახდნენ. საქმის დასაწყისი წარმატებული იქნება. უპირველეს ყოვლისა, ეს შემოქმედებით საქმიანობას ეხება. პირად ურთიერთობებში ინტუიციას უნდა ენდოთ. მისი წყალობით კონფლიქტს თავიდან აიცილებთ. მოულოდნელი შემოსავალი გელით და შეძლებთ შეიძინოთ ის, რაზეც დიდი ხანია ოცნებობდით.

თევზები (19 თებერვალი - 20 მარტი)