,
♈ ვერძი (21 მარტი - 19 აპრილი)
დღის მოვლენები: ენერგიით სავსე იქნებით, მაგრამ ზედმეტი სიჯიუტე პრობლემებს შეგიქმნით. შეეცადეთ მოლაპარაკებები მშვიდად აწარმოოთ.
ოჯახი: ოჯახში შესაძლოა უთანხმოება გაჩნდეს წვრილმან საკითხებზე. მშვიდად გაარკვიეთ, ვინ რას მოელის თქვენგან.
ბიზნესი: ფულის მოზიდვის ახალი შესაძლებლობები გამოჩნდება, თუმცა გარისკვა არ ღირს.
სიყვარული: ემოციურად დაიტვირთებით, პარტნიორისგან მეტი მხარდაჭერის მოლოდინი გაქვთ.
კარიერა: წინსვლა შესაძლებელია, თუ ზედმეტ თავდაჯერებას მოიშორებთ.
სამსახური: დაძაბული დღე იქნება, მაგრამ შედეგიანი – თუ ყურადღებას გამოიჩენთ.
♉ კურო (20 აპრილი - 20 მაისი)
დღის მოვლენები: სტაბილურობა მოგინდებათ, მაგრამ გარემოებები აიძულებენ ცვლილებებს მიიღოთ.
ოჯახი: საყვარელ ადამიანთან ღია საუბარი ბევრ გაუგებრობას მოაგვარებს.
ბიზნესი: ფინანსური გადაწყვეტილებების მიღებაში ნუ იჩქარებთ – მეტი ანალიზი დაგჭირდებათ.
სიყვარული: მოსალოდნელია სიურპრიზი, რომელიც ან გაგახარებთ, ან მთლიანად შეგაცვლევინებთ გეგმებს.
კარიერა: ძალების ეკონომია სწორი გადაწყვეტილებაა – ზედმეტი პასუხისმგებლობის აღება ახლა არ ღირს.
სამსახური: დეტალებზე კონცენტრირება გმართებთ – პატარა შეცდომამ შეიძლება დიდი პრობლემა შექმნას.
♊ ტყუპები (21 მაისი - 20 ივნისი)
დღის მოვლენები: კომუნიკაცია მთავარ როლს ითამაშებს, თუმცა ფრთხილად იყავით ზედმეტ დაპირებებთან.
ოჯახი: გაჩნდება შანსი, უფრო მეტი დრო გაატაროთ ახლობლებთან – გამოიყენეთ ეს შესაძლებლობა.
ბიზნესი: ახალ პარტნიორებთან კავშირი სარგებელს მოიტანს, მაგრამ ყველა პირობას კარგად გადახედეთ.
სიყვარული: ურთიერთობებში სიცხადე მნიშვნელოვანია – პირდაპირ თქვით, რაც გაწუხებთ.
კარიერა: კოლეგებთან ურთიერთობა სასარგებლო იქნება, თუ ზედმეტი ემოციურობა არ შეგიშლით ხელს.
სამსახური: დაბნეულობა მოსალოდნელია, მაგრამ სწორი დაგეგმვა გადაგარჩენთ.
♋ კირჩხიბი (21 ივნისი - 22 ივლისი)
დღის მოვლენები: შინაგანი დაძაბულობა გადალახვადია – მთავარია, კონცენტრირება მოახდინოთ მთავარზე.
ოჯახი: ნათესავებთან კომუნიკაცია გაგიუმჯობესდებათ, განსაკუთრებით მათთან, ვისთანაც ბოლო დროს კონფლიქტი გქონდათ.
ბიზნესი: ძველი კლიენტები ან კონტაქტები მოულოდნელ სარგებელს მოიტანენ.
სიყვარული: ახალი გრძნობები შეიძლება გაიღვიძოს – მოუსმინეთ გულს, მაგრამ გონებასაც ნუ გამორიცხავთ.
კარიერა: მოულოდნელი ცვლილებები დღის წესრიგში იქნება, არ იჩქაროთ გადაწყვეტილებების მიღება.
სამსახური: სამუშაოსთან დაკავშირებული მცირე გაუგებრობები მოსალოდნელია, მაგრამ მალე მოგვარდება.
♌ ლომი (23 ივლისი - 22 აგვისტო)
დღის მოვლენები: ყურადღების ცენტრში იქნებით, თუმცა ეს შეიძლება როგორც სარგებელს, ისე პრობლემებსაც გაჩენდეს.
ოჯახი: სჯობს, რომ არ დაუპირისპირდეთ ოჯახის წევრებს – დიპლომატიური მიდგომა უფრო გამოგადგებათ.
ბიზნესი: ახალი პროექტები პერსპექტიული ჩანს, მაგრამ ნაადრევი სიხარული არ ღირს.
სიყვარული: ვისაც სერიოზული ურთიერთობა აქვს, მოთმინება დასჭირდება – პატარა გაუგებრობები მოსალოდნელია.
კარიერა: თქვენი იდეები სათანადოდ შეფასდება, თუ სწორად წარმოჩენთ.
სამსახური: ბევრისგან მხარდაჭერას მიიღებთ, თუმცა თავადაც არ უნდა მოდუნდეთ.
♍ ქალწული (23 აგვისტო - 22 სექტემბერი)
დღის მოვლენები: სიზუსტე და გეგმიურობა დღეს გადამწყვეტი იქნება.
ოჯახი: საოჯახო საკითხებში მეტი ჩართულობა მოგიწევთ, რათა სტაბილურობა შეინარჩუნოთ.
ბიზნესი: ინვესტიციები დაფიქრებულ ნაბიჯებს მოითხოვს – ყველა ფაქტორი გაითვალისწინეთ.
სიყვარული: ემოციურად დაძაბული დღეა – გამოთქვით თქვენი პოზიცია მშვიდად.
კარიერა: შრომა აუცილებლად დაფასდება, ოღონდ ცოტა მოგვიანებით.
სამსახური: დეტალებზე ფოკუსირება გადამწყვეტი იქნება, მოერიდეთ მექანიკურ შეცდომებს.
♎ სასწორი (23 სექტემბერი - 22 ოქტომბერი)
დღის მოვლენები: აუცილებელია, რომ საკუთარი საჭიროებები არ დაივიწყოთ.
ოჯახი: შესაძლოა ოჯახში პასუხისმგებლობები გაიზარდოს, მაგრამ ეს დროებითია.
ბიზნესი: ფრთხილად იყავით ფინანსურ ოპერაციებში – ყველა დეტალი გადაამოწმეთ.
სიყვარული: ახალი ნაცნობობა საინტერესო პერსპექტივებს გააჩენს.
კარიერა: გადაწყვეტილებების მიღება არ იჩქაროთ – მეტი ინფორმაცია მოაგროვეთ.
სამსახური: კოლეგებთან თანადგომა დაგეხმარებათ საერთო წარმატებაში.
♏ მორიელი (23 ოქტომბერი - 21 ნოემბერი)
დღის მოვლენები: ინტუიცია დღეს თქვენი მთავარი იარაღი იქნება.
ოჯახი: გაგიჩნდებათ სურვილი, მეტი დრო დაუთმოთ ოჯახის წევრებს – არ გადადოთ.
ბიზნესი: კონკურენცია იზრდება, თუმცა თუ სტრატეგიულად იმოქმედებთ, წარმატება გარანტირებული გაქვთ.
სიყვარული: ეჭვიანობამ შეიძლება ურთიერთობას ზიანი მიაყენოს – მოუსმინეთ პარტნიორს.
კარიერა: ცვლილებები გარდაუვალია, მაგრამ ეს კარგის ნიშანია.
სამსახური: თქვენი შრომა და სიზუსტე დღეს განსაკუთრებით დაფასდება.
♐ მშვილდოსანი (22 ნოემბერი - 21 დეკემბერი)
დღის მოვლენები: ექსპერიმენტები და ახალი გამოცდილებები დღის წესრიგში დადგება.
ოჯახი: ძველი წყენები გაჩნდება, მაგრამ სწორი კომუნიკაცია პრობლემებს მოაგვარებს.
ბიზნესი: ახალი კონტრაქტების გაფორმება პერსპექტიულია.
სიყვარული: მოგზაურობა ან ცვლილება შეიძლება სიყვარულშიც მოახდინოს გარდატეხა.
კარიერა: იფიქრეთ გრძელვადიან გეგმებზე.
სამსახური: სიფრთხილე საჭიროა – ზედმეტი ენთუზიაზმი შესაძლოა საზიანო აღმოჩნდეს.
♑ თხის რქა (22 დეკემბერი - 19 იანვარი)
დღის მოვლენები: ყველაფერი გეგმის მიხედვით არ წავა, მაგრამ ეს არ ნიშნავს, რომ დღე უიღბლო იქნება.
ოჯახი: ოჯახის წევრებისგან მხარდაჭერას იგრძნობთ, თუმცა მცირედი გაუგებრობები მოსალოდნელია.
ბიზნესი: ძველი ვალდებულებების გადახედვა მოგიწევთ – გადაჭერით საკითხები დროულად.
სიყვარული: ურთიერთობაში მეტი მოთმინება და გაგება დაგჭირდებათ.
კარიერა: ზედმეტი კონსერვატიზმი შეიძლება თქვენს განვითარებას აფერხებდეს – მეტი მოქნილობა დაგჭირდებათ.
სამსახური: დღეს სიმშვიდის შენარჩუნება უმნიშვნელოვანესია, განსაკუთრებით უფროსებთან კომუნიკაციაში.
♒ მერწყული (20 იანვარი - 18 თებერვალი)
დღის მოვლენები: მოულოდნელი იდეა ან ინფორმაცია მნიშვნელოვან გადაწყვეტილებას გაღებინებთ.
ოჯახი: მეგობრებთან და ოჯახის წევრებთან ურთიერთობა პოზიტიურად წარიმართება.
ბიზნესი: ახალი ტექნოლოგიებისა და მეთოდების გამოყენება მოგებას მოიტანს.
სიყვარული: ურთიერთობაში სიახლე გჭირდებათ – გააკეთეთ რაღაც განსხვავებული.
კარიერა: გამბედაობა და ახალი მიდგომები დაგეხმარებათ წარმატების მიღწევაში.
სამსახური: დღეს გუნდური მუშაობა გადამწყვეტი იქნება – მარტო მოქმედება რთული იქნება.
♓ თევზები (19 თებერვალი - 20 მარტი)
დღის მოვლენები: ემოციური დღეა – შეეცადეთ, რომ არ მისცეთ ნეგატივს თქვენზე გავლენის მოხდენის უფლება.
ოჯახი: შეიძლება ზოგიერთ საკითხზე განსხვავებული შეხედულებები გქონდეთ, მაგრამ ეს სერიოზულ პრობლემას არ შექმნის.
ბიზნესი: მოულოდნელი შემოსავალი ან შანსი შეიძლება გაჩნდეს – ყურადღებით იყავით.
სიყვარული: შესაძლოა, რომ ვიღაცის მხრიდან უჩვეულო ინტერესი იგრძნოთ.
კარიერა: ნიჭი და შრომისმოყვარეობა სათანადოდ დაფასდება, მაგრამ მოთმინება დაგჭირდებათ.
სამსახური: დეტალებზე ყურადღების გამახვილება დღეს თქვენი წარმატების გასაღები იქნება.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
