რას გვირჩევენ ვარსკვლავები 20 მარტისთვის:

ვერძი (21 მარტი - 20 აპრილი)

მშვიდი და წარმატებული დღეა. ვარსკვლავები გირჩევენ, აუჩქარებლად იმუშაოთ და ახალი ადამიანები გაიცნოთ. შესაძლოა, სწორედ ერთ-ერთი ახლად გაცნობილი ადამიანისგან ძალიან მოგებიანი შეთავაზება მიიღოთ. საყვარელ ადამიანებთან ურთიერთობა განწყობას აგიმაღლებთ. მთავარია, მათთვის მხარდაჭერისა და სიყვარულის სიტყვების თქმა არ დაგეზაროთ.

 კურო (21 აპრილი - 21 მაისი)

ვარსკვლავების ხელსაყრელი განლაგება საშუალებას გაძლევთ, რომ სარისკო საქმიანობაში ჩაერთოთ და სასურველ შედეგს მიაღწიოთ. კოლეგებთან ურთიერთობისას მოერიდეთ უხეშობას და კატეგორიულობას. გახსოვდეთ, რომ საქმეს, რომლის დაწყებასაც გეგმავთ, მათი დახმარების გარეშე ვერ გაუმკლავდებით. ეცადეთ, კომპრომისები მოძებნოთ და ოპონენტებს მათთვის მისაღები ვარიანტები შესთავაზოთ.

ტყუპები (22 მაისი - 21 ივნისი)

ყურადღება მიაქციეთ თქვენი დღის რეჟიმს, მოაწესრიგეთ სამუშაო მაგიდა და საქმიანი ქაღალდები. კარგი დღეა ახალი ადამიანების გაცნობის და საქმიანი კავშირების დამყარებისთვის. პროფესიონალურ თემებზე საუბრის ნუ შეგეშინდებათ, შეგიძლიათ თქვენთვის მნიშვნელოვან საკითხებზე სრულყოფილი ინფორმაცია მიიღოთ. ეცადეთ, სერიოზული თანამოსაუბრე წვრილმანებზე საუბრით არ დააფრთხოთ.

კირჩხიბი (22 ივნისი - 22 ივლისი)

ეცადეთ, საკუთარ თავს დილიდან დადებითი განწყობა შეუქმნათ. გახსოვდეთ, რომ ამ დღეს კარიერული წინსვლა და პროფესიულ საქმიანობაში წარმატება თქვენს აქტიურობაზეა დამოკიდებული. სავარაუდოდ, ახლობელ ადამიანს პრობლემების მოგვარებაში თქვენი დახმარება დასჭირდება და იმედს არ გაუცრუებთ. ეცადეთ, ვარჯიშისთვის დრო გამონახოთ ან სუფთა ჰაერზე მაინც გაისეირნოთ.

ლომი (23 ივლისი - 23 აგვისტო)

ეცადეთ, ამ დღეს ნებისმიერ საქმეში შემოქმედებითი უნარი და მდიდარი ფანტაზია გამოავლინოთ. ამ გზით თქვენ გავლენიანი ადამიანების ყურადღებას მიიპყრობთ და დაწყებულ საქმეს თქვენთვის სასურველი შედეგით დაასრულებთ. თუ დახმარება გჭირდებათ, ამის შესახებ პირდაპირ და გასაგებად უნდა თქვათ - კოლეგებმა შეიძლება თქვენი ქარაგმული ნათქვამი და მინიშნებები ვერ გაიგონ.

ქალწული (24 აგვისტო - 23 სექტემბერი)

თუ შესაძლებელია, მოლაპარაკებები და დისკუსიები სხვა დროისთვის გადადეთ. ამ დღეს სასურველი შედეგის მისაღწევად მშვიდ გარემოში, განმარტოებით მუშაობა გჭირდებათ. პროფესიული უნარები და მოხერხებულობა დაგეხმარებათ, ურთულესი ვითარებიდან საუკეთესო გამოსავალი იპოვოთ. მთავარია, დრო დაზოგვის მიზნით უსარგებლო კომუნიკაციას მოერიდოთ.

სასწორი (24 სექტემბერი - 23 ოქტომბერი)

ამ დღეს შეიძლება თქვენი თანამოაზრეების რაოდენობა მკვეთრად გაიზარდოს და მეტიც - დახმარება ისეთი ადამიანისგან მიიღოთ, ვისგანაც არ ელოდით. წვრილმანებზე დრო არ დაკარგოთ და ეცადეთ, დაწყებული საქმე დროულად დაასრულოთ. ნებისმიერი კომუნიკაციის დროს სიმშვიდე შეინარჩუნეთ, თუნდაც თანამოსაუბრე ძალიან გაღიზიანებდეთ. სავარაუდოდ, საღამოს თავს შეგახსენებენ ის ადამიანები, რომლებიც დიდი ხანია არ გინახავთ.

მორიელი (24 ოქტომბერი - 22 ნოემბერი)

შეიძლება დაძაბული სიტუაციაში აღმოჩნდეთ. ნუ დაიბნევით, დროა თქვენი დიპლომატიური უნარები და ცოტაოდენი ეშმაკობა გამოავლინოთ. მოერიდეთ სადავო თემებზე საუბარს, ოპონენტები ქათინაურებით გაანებივრეთ და კომპრომისული გადაწყვეტილება შესთავაზეთ. ამ დღეს მცირე, თითქმის უმნიშვნელო პრობლემები თქვენს საქმეებზე უდიდეს გავლენას მოახდენს, ამიტომ მნიშვნელოვანი არაფერი დაგეგმოთ.

მშვილდოსანი (23 ნოემბერი - 21 დეკემბერი)

ენერგიით და მოქმედების სურვილით სავსე ხართ. ეცადეთ, შესაძლებლობით ისარგებლოთ და ყველა რთული თუ უსიამოვნო საკითხი მოაგვაროთ, რომელსაც გამუდმებით სამომავლოდ ინახავდით. საყვარელ ადამიანს მეტი ყურადღება უნდა მიაქციოთ - თუნდაც პატარა საჩუქრით გაახაროთ. ეს თქვენს ურთიერთობას გააძლიერებს და სულიერი სიმშვიდის მოპოვებაში დაგეხმარებათ.

თხის რქა (22 დეკემბერი - 20 იანვარი)

სავარაუდოდ, ამ დღეს ბევრი სამუშაო გექნებათ, მაგრამ ეცადეთ, არ გადაიღალოთ. ყველა საქმის ერთდროულად კეთება, შედეგის ნაცვლად, შეცდომებს გამოიწვევს, ამიტომ სამუშაო ნაწილ-ნაწილ უნდა დაასრულოთ. იზრუნეთ საკუთარ ჯანმრთელობაზე, რომელსაც გრძელი ზამთრისა და ხანგრძლივი მუშაობის შემდეგ გაძლიერება სჭირდება.

მერწყული (21 იანვარი - 18 თებერვალი)

გირჩევთ, დილას სამოქმედო გეგმა შეადგინოთ და იმაზე მეტის გაკეთებას არ ეცადოთ, ვიდრე შეგიძლიათ. ამ დღეს თქვენი ინტუიცია ისეთი ძლიერია, როგორც არასდროს, ამიტომ შეგიძლიათ გადაწყვეტილებები სწრაფად და უყოყმანოდ მიიღოთ. ნუ ენდობით სხვებს - გადაწყვეტებს მიღებამდე ყველა ინფორმაცია თავად უნდა გადაამოწმოთ.

თევზები (19 თებერვალი - 20 მარტი)

ამ დღეს უმჯობესია ურთიერთობები შეზღუდოთ და ძვირფასი დრო უსარგებლო საუბრებზე არ დაკარგოთ. რასაც არ უნდა აკეთებდეთ, ფრთხილად იმოქმედეთ და წესები არ დაარღვიოთ. გუნდური მუშაობა ეფექტური იქნება - პრობლემების ოპტიმალურად გადაჭრას და სასურველი შედეგების მიღებას შეძლებთ.