რას გვირჩევენ ვარსკვლავები 20 მაისისთვის:

ვერძი (21 მარტი - 20 აპრილი)

ამ დღეს უნდა ეცადოთ, რომ მწვავე თემებს და კონფლიქტურ სიტუაციებს თავი აარიდოთ. სავარაუდოდ, ორშაბათი თქვენს ნერვებს და მოთმინებას გამოცდას მოუწყობს, ამიტომ სახლშიც და სამსახურშიც ყველაზე მოულოდნელი სიურპრიზებისთვის უნდა მოემზადოთ. სხვების დახმარება უდიდეს სიამოვნებას განიჭებთ, მით უმეტეს - თუ ამისთვის მადლობას იღებთ.

 კურო (21 აპრილი - 21 მაისი)

ხელსაყრელი დღეა საყვარელ ადამიანთან ურთიერთობების გარკვევისა და მშვიდობის დამყარებისთვის. სავარაუდოდ, ის თქვენს არგუმენტებს დამაჯერებლად მიიჩნევს, ასე რომ, შეგიძლიათ, სასიამოვნო მოლოდინები გქონდეთ. სამაგიეროდ, სამსახურში დამქანცველი დღე და დაუსრულებელი ქაოსია. გახსოვდეთ, რომ საკუთარი საიდუმლო ან პირადი ინფორმაცია სხვებს არ უნდა გაუზიაროთ.

ტყუპები (22 მაისი - 21 ივნისი)

ფინანსური პრობლემები შეიძლება ნამდვილ თავის ტკივილად გექცეთ. აქ აუცილებლად ვალებს და სხვა ფინანსურ სირთულეებს არ ვგულისხმობთ, რადგან ამ დღეს უბრალო გადასახადებიც კი გაღიზიანებთ. თუ ინტუიციას მოუსმენთ, შესაძლოა, რთული სიტუაციიდან გამოსავლის პოვნა შეძლოთ.

კირჩხიბი (22 ივნისი - 22 ივლისი)

ეცადეთ, ეს დღე აქტიურად გაატაროთ - გამოიჩინეთ ინიციატივა სამსახურში და იყავით სახლში ლიდერი. ისედაც დიდი ხანია, ჩრდილში ხართ. დროა თქვენი საუკეთესო უნარები გამოავლინოთ. გირჩევთ, წარსულში დატოვოთ შიშები, რომლებიც წინსვლაში ხელს გიშლით. შესაფერისი დღეა იმ ადამიანებთან შესახვედრად, რომლებზეც კარგი შთაბეჭდილების მოხდენა გსურთ.

ლომი (23 ივლისი - 23 აგვისტო)

მუშაობის ხასიათზე არ ხართ, ამიტომ ყველაფერი ხელიდან გივარდებათ. თავი შეიკავეთ რთული პროექტის დაწყებისგან და უარი თქვით მნიშვნელოვანი დავალების შესრულებაზე. წინააღმდეგ შემთხვევაში, უამრავ შეცდომას დაუშვებთ და კოლეგებს ცუდ მდგომარეობაში ჩააყენებთ. უმჯობესია, ამ დღეს იზარმაცოთ და დაკარგული დრო მომდევნო დღეებში აანაზღაუროთ.

ქალწული (24 აგვისტო - 23 სექტემბერი)

ვარსკვლავები გირჩევენ, რომ ეს დღე მშობლებთან ან ახლო ნათესავებთან ურთიერთობის გარკვევას დაუთმოთ. თუ თქვენ შორის გაუგებრობა წარმოიშვა, სადავო საკითხები დროულად უნდა განიხილოთ და ნდობა აღადგინოთ. მათი რჩევები რთული ვითარებიდან გამოსავლის პოვნაში დაგეხმარებათ.

სასწორი (24 სექტემბერი - 23 ოქტომბერი)

ეს დღე სიახლეებისა და ექსპერიმენტებისთვის შესაფერისია. თუ თავგადასავლების მოყვარული არ ხართ, შეგიძლიათ ეგზოტიკური კერძი დააგემოვნოთ. ეს დაგეხმარებათ, რომ ორშაბათი პატარა დღესასწაულად აქციოთ! გარშემომყოფების დახმარებით უკმაყოფილო დარჩებით, ამიტომ ეცადეთ მხოლოდ საკუთარ თავს დაეყრდნოთ.

მორიელი (24 ოქტომბერი - 22 ნოემბერი)

ამ ნიშნის წარმომადგენლებს წარმატებული დღე ელით. შეგიძლიათ ყველაზე რთულ დავალებებსაც კი თამამად შეეჭიდოთ - იღბალი თქვენს მხარესაა და ყველაფერი გამოგივათ. გირჩევთ, სამუშაო საკითხები კოლეგებთან ერთად განიხილოთ - ისინი სწორი გადაწყვეტის პოვნაში დაგეხმარებიან. მცირე შესყიდვები წარმატებული იქნება და მოგებიანი გარიგების დადებასაც შეძლებთ.

მშვილდოსანი (23 ნოემბერი - 21 დეკემბერი)

სცადეთ სახლიდან საფულის გარეშე გასვლა და მიხვდებით, რომ აქამდე ფულს ქარს ატანდით. დროა, მომჭირნედ ცხოვრება ისწავლოთ, თუ არ გინდათ, რომ ვალები დაგედოთ. ვარსკვლავების ხელსაყრელი განლაგების წყალობით, ამ დღეს სასურველი შედეგის მიღება გაცილებით ადვილია, ამიტომ შეგიძლიათ ექსპერიმენტებს მიმართოთ და გადაწყვეტილების მიღებისას ინტუიციას ენდოთ.

თხის რქა (22 დეკემბერი - 20 იანვარი)

თქვენი ჯანმრთელობა ახლა იმდენად დაუცველია, რომ ორპირმა ქარმაც კი შეიძლება დაგაზიანოთ. მოერიდეთ საყოფაცხოვრებო ტრავმებს და ეგზოტიკურ კერძებს, რათა ქრონიკული დაავადებები არ გაამწვავოთ. საღამოს შესაძლებლობა გექნებათ, რომ დიდი ხნის უნახავ მეგობრებს შეხვდეთ და დრო სასიამოვნოდ გაატაროთ.

 მერწყული (21 იანვარი - 18 თებერვალი)

შესანიშნავ ხასიათზე ხართ, ამიტომ სახლშიც და სამსახურშიც ყველაფერი გამოგდით. ეცადეთ, ეს განწყობა რაც შეიძლება დიდხანს შეინარჩუნოთ. თქვენი და თქვენი საყვარელი ადამიანების წარმატება დიდწილად თქვენს განწყობაზეა დამოკიდებული. გირჩევთ ძვირად ღირებული შესყიდვები სამომავლოდ გადადოთ. ასევე, ნუ იჩქარებთ გარიგებების დადებას, სანამ არ დარწმუნდებით, რომ ნამდვილად მოგებიანია.

თევზები (19 თებერვალი - 20 მარტი)