რას გვირჩევენ ვარსკვლავები 10 მარტისთვის:

ვერძი (21 მარტი - 20 აპრილი)

წარმატებული და ნაყოფიერი დღეა. გირჩევთ, ირგვლივ ყურადღებით მიმოიხედოთ და იღბლიანი შანსი გამოიყენოთ, რომელსაც ბედისწერა გიმზადებთ. თქვენი პრინციპულობის გამო შეიძლება საყვარელ ადამიანთან ურთიერთობა გაიფუჭოთ. ეცადეთ, გვერდით გყავდეთ ადამიანი, რომელიც რეალობის აღქმაში დაგეხმარებათ.

კურო (21 აპრილი - 21 მაისი)

ვარსკვლავები გაფრთხილებენ, რომ შეიძლება უსარგებლო ნივთებში მეტისმეტად ბევრი ფული დახარჯოთ, ამიტომ ჯობს, შოპინგის ნაცვლად, საყოფაცხოვრებო საქმეებზე იზრუნოთ. თუ ცდილობთ, რომ სასურველი რეალობად აღიქვათ და ილუზიებს იქმნით, იცოდეთ, ეს აუცილებლად უსიამოვნებებსა და დანაკარგებს გამოიწვევს.

ტყუპები (22 მაისი - 21 ივნისი)

ხელსაყრელი დროა ბინაში რემონტის დაწყებისა და ინტერიერის შეცვლისთვის. გირჩევთ, ოჯახური პრობლემები ოჯახის წევრებთან ერთად განიხილოთ და გადაწყვეტილება ერთად მიიღოთ. არ არის გამორიცხული, რომ მათგან რაიმე სასარგებლო რჩევა ან წინადადება მოისმინოთ. მოერიდეთ თანამშრომლებთან კამათს ან მათ კრიტიკას.

კირჩხიბი (22 ივნისი - 22 ივლისი)

დაფიქრდით, ბოლო დროს ყველაზე მეტად რა გაწუხებთ და ეცადეთ, პრობლემის გადაჭრის არასტანდარტული გზები იპოვოთ. ვარსკვლავები გირჩევენ, რომ საკუთარი გეგმები შესახებ არავის უამბოთ, თორემ ვიღაც თქვენთვის ხელის შეშლას ეცდება. სხვა ადამიანების აზრების ამოცნობას ადვილად ახერხებთ, მაგრამ მათი მანიპულირება არ უნდა სცადოთ, თორემ კარგ ურთიერთობას გააფუჭებთ.

ლომი (23 ივლისი - 23 აგვისტო)

დღის პირველი ნახევარი ლომისთვის დაძაბული და ნერვიული იქნება. უბრალო საუბარიც კი შეიძლება ორმხრივ ბრალდებებში და ჩხუბში გადაიზარდოს, ამიტომ ურთიერთობები უნდა შეზღუდოთ და საყვარელი საქმით დაკავდეთ. დღის მეორე ნახევარში დაძაბულობა შემცირდება და შეიძლება ყურადღების ცენტრში აღმოჩნდეთ - ეცადეთ, თქვენი საუკეთესო თვისებები გამოავლინოთ

ქალწული (24 აგვისტო - 23 სექტემბერი)

მოერიდეთ ძვირად ღირებული ნივთების შეძენას, თუ არ გსურთ, რომ რთულ ფინანსურ მდგომარეობაში აღმოჩნდეთ. მით უმეტეს, რომ ამ დღეს შეძენილი ნივთები მალე იმედს გაგიცრუებთ. სანამ მოქმედებას დაიწყებთ, ყველაფერი უმცირეს დეტალებამდე უნდა გაიაზროთ, რისკები და მოსალოდნელი სარგებელი შეაფასოთ. ურთიერთობებში მეტი სიფრთხილე გამოიჩინეთ, განსაკუთრებით - უცნობ ადამიანებთან.

სასწორი (24 სექტემბერი - 23 ოქტომბერი)

ოჯახის წევრებთან ან მეგობრებთან გულწრფელი საუბარი სტრესისგან ნებისმიერ ფსიქოლოგზე უკეთ გაგათავისუფლებთ. თანაც ამ საუბრის დროს ისეთ რჩევას ან შენიშვნას მოისმენთ, რომელიც ძალიან გამოგადგებათ. საყვარელ ადამიანთან ურთიერთობაში მოსალოდნელია დროებითი სირთულე, რომელსაც გულახდილი საუბრით მოაგვარებთ.

მორიელი (24 ოქტომბერი - 22 ნოემბერი)

წვრილმან ნივთებში ფულის ხარჯვას ჯობს ძვირად ღირებული ნივთის შესაძენად დააგროვოთ. ნუ უარყოფთ ძველი მეგობრების რჩევებსა თუ მოსაზრებებს - ისინი პრობლემებთან გამკლავებაში და ფინანსური კეთილდღეობის გაუმჯობესებაში დაგეხმარებათ. ეცადეთ, ეს დღე აქტიურად გაატაროთ, ისეირნოთ და სპორტით დაკავდეთ.

მშვილდოსანი (23 ნოემბერი - 21 დეკემბერი)

დაუფიქრებლად ნათქვამი სიტყვით ან ირონიული შენიშვნით შეიძლება თანამოსაუბრე ძალიან შეურაცხყოთ. ეცადეთ, მეტი თავაზიანობა გამოიჩინოთ და საკუთარი სიტყვები აკონტროლოთ. სასიხარულო სიახლე თქვენს ცხოვრებაზე სასიკეთოდ აისახება. გირჩევთ, ყველა მნიშვნელოვანი საქმე დღის პირველ ნახევარში დაგეგმოთ.

თხის რქა (22 დეკემბერი - 20 იანვარი)

იღბლიანი და წარმატებული დღეა. მოვლენები თქვენ სასარგებლოდ განვითარდება, რაც სურვილების ასრულებაში დაგეხმარებათ. ახლა შრომითი გმირობისთვის განწყობილი არ ხართ, ამიტომ ნუ დაიწყებთ საქმეს, რომლის დასრულება გაგიჭირდებათ. შეიძლება საინტერესო შეთავაზება მიიღოთ, რომელიც დროულად უნდა განიხილოთ და თუ საჭიროა, რჩევა გამოცდილ კოლეგებს თხოვოთ.

 მერწყული (21 იანვარი - 18 თებერვალი)

ემოციურად დაძაბული დღეა. ეცადეთ, გარშემო მყოფების კრიტიკაზე და შენიშვნებზე არ გაღიზიანდეთ და მთელი ყურადღება საქმეზე გადაიტანოთ. თუ ამას ვერ ახერხებთ, უბრალოდ, კონტაქტები შეზღუდეთ. არის საქმე, რომლის გადადება აღარ შეიძლება, ამიტომ, პირველ რიგში, მის დასრულებაზე უნდა იზრუნოთ. ყურადღება მიაქციეთ საკუთარ და ოჯახს წევრთა ჯანმრთელობას.

თევზები (19 თებერვალი - 20 მარტი)