,
საარჩევნო ტექნოლოგიების კომპანია Smartmatic-ს აშშ-ის ფლორიდის ფედერალურ სასამართლოში 16 ოქტომბერს ფულის გათეთრებასა და სხვა დანაშაულების საფუძველზე წაუყენეს.
კერძოდ, ბრლდება უცხოური ქრთამის სქემას ეხება, რომელშიც კომპანიის სამი ყოფილი აღმასრულებელი ფიგურა მონაწილეობდა და ფილიპინებში ბიზნესის უზრუნველყოფას ემსახურებოდა.
ამერიკელი პროკურორების მტკიცებით, 2015-დან 2018 წლამდე პერიოდში, აღმასრულებელმა პირებმა, ფილიპინებში ბიზნესის მოსაპოვებლად, 1 მილიონი დოლარის ოდენობთ ქრთამი გადაუხადეს ფილიპინების საარჩევნო კომისიის ყოფილ ოფიციალურ პირს.
Smartmatic, თავის მხრივ, ბრალდებებს "ფაქტობრივი და სამართლებრივი თვალსაზრისით არასწორს" უწოდებს.
"მიგვაჩნია, რომ აშშ-ის პროკურატურის სამხრეთ ფლორიდის ოფისი შეცდომაში შეიყვანეს და მასზე პოლიტიკური გავლენა მოახდინეს ძლიერმა ინტერესთა ჯგუფებმა, მიუხედავად ჩვენი ფართო თანამშრომლობისა ხელისუფლებასთან. ეს ისევ მიზანმიმართული, პოლიტიკური და უსამართლო ქმედებაა", - განაცხადეს კომპანიაში.
პროკურორების თქმით, ქრთამის გადახდა ფარული ფონდის მეშვეობით ხორციელდებოდა, რომელიც 2016 წლის ფილიპინების არჩევნებისთვის შეიქმნა .
ცნობისთვის, ცესკოს ელექტრონული აპარატებითა და შესაბამისი პროგრამებით სწორედ Smartmatic ამარაგებს. საქართველოში ბოლო, 2024 წლის საპარლამენტო და 2025 წლის ადგილობრივი, არჩევნები აღნიშნული კომპანიის ტექნოლოგიის დახმარებით ჩატარდა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
