,
ამერიკის შეერთებული შტატების ხაზინამ ჩრდილოეთ კორეის სანქციების რეჟიმის დარღვევის გამო, რუსული რეჟიმის მიერ ოკუპირებულ სამხრეთ ოსეთში შექმნილი MRB Bank-ის წინააღმდეგ სანქციები დააწესა.
აშშ-ის ხაზინის დეპარტამენტი წერს, რომ ფულის გათეთრების სქემა ორკესტრირებული იყო რუსეთის ცენტრალური ბანკის მიერ, რომლის ნებართვითაც ოკუპირებულ სამხრეთ ოსეთში MRB Bank-ი (Международный Расчетный Банк) დაფუძნდა და ამ ბანკის მეშვეობით მილიონობით დოლარის ოპერაციები შესრულდა კლიენტებთან, რომლებიც ჩრდილოეთ კორეაში იმყოფებოდნენ.
საქმეში ჩართული იყო რუსეთის TSMRBank-იც, რომლის ვიცე-პრეზიდენტი, დიმიტრი ნიკულინი პირადად ახდენდა სამხრეთ ოსეთის ბანკში მილიონობით დოლარის ნაღდი ფულის შეტანას, რომელიც შემდგომ ჩრდილოეთ კორეაში გადაირიცხა.
აღსანიშნავია, რომ MRB ბანკი ევროკავშირის სანქციების მე-11 პაკეტით 2023 წლის ივნისში იქნა სანქცირებული, რაც რუსეთის მიერ ოკუპირებულ დონეცკთან, ლუგანსკთან და ზაპოროჟიესთან გადარიცხვებს უკავშირდებოდა.
MRB Bank-ი (Международный Расчетный Банк) 2015 წელს დაფუძნდა, მან 2017 წლის აპრილში ე.წ. სამხრეთ ოსეთის ცენტრალური ბანკისგან საქმიანობის ლიცენზია მიიღო.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
