,
შშ-ისა და კოალიციის ძალებმა იემენში, „ჰუსიტი“ ბოევიკების 16 ლოკაციაზე 60-ზე მეტ სამიზნეს დაარტყეს, - ამის შესახებ აშშ-ის საჰაერო ძალების ცენტრალურმა სარდალმა გენერალ-ლეიტენანტმა ალექს გრინკევიჩმა განაცხადა.
მისივე თქმით, დარტყმები განხორციელდა სარდლობისა და კონტროლის პუნქტებზე, საბრძოლო მასალის საცავებზე, გამშვებ სისტემებზე, საწარმოო ობიექტებსა და საჰაერო თავდაცვის სარადარო სისტემებზე, რისთვისაც 100-ზე მეტი ზუსტი დამიზნების საბრძოლო მასალა გამოიყენეს.
„ერთგულნი ვართ ჩვენი მნიშვნელოვანი პარტნიორების მიმართ მთელ ახლო აღმოსავლეთში, რათა დავიცვათ ირანის მიერ მხარდაჭერილი გასამხედროებული ჯგუფებისგან, მათ შორის „ჰუსიტი“ ბოევიკებისგან, და საფრთხისგან, რომელსაც ისინი რეგიონულ უსაფრთხოებასა და სტაბილურობას უქმნიან“, - აღნიშნულია გრინკევიჩის განცხადებაში.
ცნობისთვის, მანამდე „ჰუსიტებმა“ გაავრცელეს ინფორმაცია, რომ დარტყმები რამდენიმე ლოკაციაზე, მათ შორის აეროპორტებზე, განხორციელდა.
ადრეული მინიშნებები იმაზე მეტყველებს, რომ ძლიერი დარტყმა მივაყენეთ ჰუსიტების შესაძლებლობას დაემუქრონ სავაჭრო ნაოსნობას, - განაცხადეს დიდიო ბრიტანეთის თავდაცვის სამინისტროში მას შემდეგ, რაც აშშ-მა და დიდმა ბრიტანეთმა საჰაერო დარტყმები განახორციელეს იემენში ჰუსიტების სამიზნეებზე.
"საჰაერო დარტყმების დაგეგმვისას განსაკუთრებული ყურადღება მიექცა შვიდობიანი მოსახლეობისთვის რისკის მინიმუმამდე დაყვანას და ნებისმიერი ასეთი რისკი კიდევ უფრო შემცირდა დარტყმების ღამით განხორციელების გადაწყვეტილებით. დარტყმების დეტალური შედეგები შეფასების პროცესშია, თუმცა ადრეული მინიშნებები იმაზე მეტყველებს, რომ ძლიერი დარტყმა მივაყენეთ ჰუსიტების შესაძლებლობას დაემუქრონ სავაჭრო ნაოსნობას", - აღნიშნეს დიდი ბრიტანეთის თავდაცვის უწყებაში.
მანამდე ბრიტანეთის პრემიერ-მინისტრმა, რიში სუნაკმა განაცხადა, რომ გაერთიანებული სამეფო ყოველთვის დაიცავს ნაოსნობის თავისუფლებასა და ვაჭრობის თავისუფალ მოძრაობას.
რიში სუნაკმა ხაზგასმით აღნიშნა, რომ ჰუსიტი ამბოხებულების უგუნური ქმედებები სიცოცხლეს საფრთხეს უქმნის და იემენში ჰუმანიტარულ კრიზისს ამძაფრებს.
"საერთაშორისო თანამეგობრობის არაერთგზის გაფრთხილების მიუხედავად, ჰუტისებმა განაგრძეს შეტევები წითელ ზღვაში, მათ შორის დიდი ბრიტანეთისა და აშშ-ის სამხედრო ხომალდების წინააღმდეგ მიმდინარე კვირაში. ამიტომ, ჩვენ გადავდგით შეზღუდული, აუცილებელი და პროპორციული ნაბიჯი შეერთებულ შტატებთან ერთად ნიდერლანდების, კანადისა და ბაჰრეინის არაოპერატიული მხარდაჭერით ამ თავდასხმებთან დაკავშირებული სამიზნეების წინააღმდეგ", - დასძინა მან.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
