,
აშშ-ის თავდაცვის მდივანმა, პიტ ჰეგსეტმა ნატოს შტაბბინაში სიტყვით გამოსვლისას განაცხადა, რომ აშშ-ის პრეზიდენტი, დონალდ ტრამპი არავის მისცემს უფლებას, ძია სემი ძია დოყლაპიად აქციოს. ინფორმაციას ამის შესახებ Sky News-ი ავრცელებს.
სიტყვით გამოსვლისას პიტ ჰეგსეტმა ხაზგასმით აღნიშნა, რომ „ნატო კვლავ დიდებული უნდა გავხადოთ“.
მისი თქმით, დონალდ ტრამპმა მას მკაფიო მისია დაავალა, მიაღწიოს მშვიდობას ძლიერების მეშვეობით და ასევე დააყენოს ამერიკა პირველ ადგილზე.
„ნატო დიდებული ალიანსია, ყველაზე წარმატებული თავდაცვის ალიანსი ისტორიაში. მაგრამ იმისათვის, რომ გაუძლოს მომავალს, ჩვენმა პარტნიორებმა გაცილებით მეტი უნდა გააკეთონ ევროპის თავდაცვისთვის“, - დასძინა მან.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
