USD 2.6978
EUR 2.9112
RUB 2.9177
Тбилиси
აშშ-ის სენატმა Burisma-ს საქმეზე ჯო ბაიდენის შვილის მოწმის სახით გამოკითხვას მხარი დაუჭირა
дата:  386
აშშ-ს სენატის უშიშროების კომიტეტმა მხარი დაუჭირა დემოკრატიული პარტიის მხრიდან პრეზიდენტობის ყველაზე რეალური კანდიდატის ჯო ბაიდენის შვილის, ჰანთერ ბაიდენის საქმეზე მოწმის გამოძახების მიზანშეწონილობას, - წერს Washington Times.
 
8 რესპუბლიკელის ხმით 6 დემოკრატის წინააღმდეგ მიღებული გადაწყვეტილების შესაბამისად, ამ დროიდან კომიტეტის რესპუბლიკელ თავმჯდომარეს რონ ჯონსონს უფლება აქვს მოწმედ გამოიძახოს PR ფირმა Blue Star Strategies-ის წარმომადგენელი, დაკითხოს და გამოითხოვოს დოკუმენტაცია.
 
Blue Star Strategies-ი თანამშრომლობდა უკრაინულ ენერგოკომპანიასთან Burisma, რომლის დირექტორთა საბჭოს წევრი იყო ჰანთერ ბაიდენი. სენატის გამოძიების ერთ-ერთი მიზანია გაირკვეს, ხომ არ ახდენდა უკრაინული ენერგოკომპანია Burisma ერთ-ერთი დირექტორის, აშშ-ის ვიცე-პრეზიდენტის ვაჟის, ჰანთერ ბაიდენის დახმარებით და PR ფირმა Blue Star Strategies-ის საშუალებით გავლენას ობამას ადმინისტრაციის ჩინოვნიკებზე.
 
Burisma-ს საქმიანობას სწავლობდა უკრაინის გენპროკურორი ვიქტორ შოკინი, რომლის სამსახურიდან გათავისუფლების მიზეზად ჯო ბაიდენის მიერ პეტრო პოროშენკოზე განხორციელებულ ზეწოლას ვარაუდობენ. დაუდასტურებელი ინფორმაციით, 2016 წელს, ვიცე-პრეზიდენტი ჯო ბაიდენი 1 მილიარდი დოლარის დახმარების შეფერხების მუქარით უკრაინის გენპროკურორის მოხსნას მოითხოვდა. ყოფილმა გენპროკურორმა ბაიდენს 2020 წლის თებერვალში უკრაინის სასამართლოში უჩივლა.
 
გაუგებარია რატომ მოიქცა სენატი ასე იმ დროს, როცა Blue Star Strategies-ი უპრობლემოდ თანამშრომლობდა სენატთან, - წერს Blue Star Strategies-ის გენერალური დირექტორი კარენ ტრამანტარო სენატორ ჯონსონისადმი გაგზავნილ წერილში.
 
„უნდა გაირკვეს სიმართლე ბაიდენისა და Burisma-ს ურთიერთობებზე. სენატში გამართული მოსმენები სრულ სურათს გვაჩვენებს“, - განაცხადა რესპუბლიკელმა სენატორმა რიკ სკოტმა.
 
„იმ დროს, როცა ამერიკელებს ჩვენი ერთიანობა ძალიან სჭირდებათ, ეს პროცესი გთიშავს და გვაზარალებს“, - თქვა უშიშროების კომიტეტის წევრმა დემოკრატებიდან სენატორმა ჰარი პიტერსმა.
 
Burisma Holdings-ი დონალდ ტრამპის იმპიჩმენტის პროცედურის ერთ-ერთი საბაბი გახდა. სწორედ ეს კომპანია ახსენა აშშ-ის მოქმედმა პრეზიდენტმა უკრაინელ კოლეგა ვოლოდიმირ ზელინსკისთან სატელეფონო საუბარში. ტრამპმა ზელენსკის კომპანიაში ჰანტერ ბაიდენის საქმიანობასთან დაკავშირებით გამოძიების დაწყება სთხოვა.
спорт
კახა კალაძე: ეს არ არის უბრალოდ გამარჯვება, ეს თარიღი საქართველოს უახლეს ისტორიაში ოქროს ასოებით იწერება

საქართველოს ფეხბურთელთა ეროვნული ნაკრების გამარჯვების შემდეგ, საქართველოს პრემიერ-მინისტრი ირაკლი კობახიძე, თბილისის მერი კახა კალაძე და ნაკრების წევრები პირველი რესპუბლიკის მოედანზე შეკრებილ გულშემატკივრებს შეუერთდნენ და გამარჯვება მათთან ერთად აღნიშნეს.

კახა კალაძემ მადლობა გადაუხადა ეროვნულ ნაკრებს და და კიდევ ერთხელ ხაზი გაუსვა პლეიოფის ფინალში გამარჯვების განსაკუთრებულ მნიშვნელობას.

„გილოცავთ! რთულია, ვისაუბრო იმაზე, თუ რამხელა გამარჯვება მოიპოვა ჩვენმა ქვეყანამ. ეს არის ის, რასაც ათეულობით წელი ველოდებოდით. ეს არ არის უბრალოდ გამარჯვება, ეს არის ისტორიის დაწერა. საქართველოს უახლეს ისტორიაში 2024 წლის 26 მარტი ოქროს ასოებით იწერება, იმიტომ, რომ ჩვენი ეროვნული ნაკრები ითამაშებს ევროპის ჩემპიონატზე“, - განაცხადა კახა კალაძემ.

დედაქალაქის მერმა მადლობა გადაუხადა ეროვნული ნაკრების გულშემატკივარსაც.

„მადლობა ყველას, ვინც მოედანზე იმყოფებოდა, ვინც სახლიდან უყურებდა ამ თამაშს. ყოველთვის, როცა ჭირდებოდა საქართველოს ეროვნულ ნაკრებს, იდექით მის გვერდში. იყო უამრავი წაგება, იყო რთული პერიოდი, მაგრამ ყოველთვის იდექით იქ, სადაც ჭირდებოდა ქართულ ფეხბურთს, ქართულ სპორტს და ამისთვის მინდა მადლობა გითხრათ თითოეულ თქვენგანს“, - მიმართა გულშემატკივრებს კახა კალაძემ.

более
голосование
ვინ გაიმარჯვებს რუსეთ - უკრაინის ომში?
голосование
Кстати