აშშ-ის სახელმწიფო მდივანი ენტონი ბლინკენი უკრაინის დედაქალაქ კიევში ჩავიდა.
კეივში ვიზიტის შესახებ ბლინკენმა ტვიტერზე დაწერა და აღნიშნა, რომ მისი ჩასვლის მიზანი უკრაინასა და აშშ-ს შორის პარტნიორული ურთიერთობების განმტკიცებაა. ამასთან, ბლიკენის თქმით, მისი ვიზიტი რუსული აგრესიის საპასუხოდაც მნიშვნელოვანი იქნება.
“ეს იქნება მნიშვნელოვანი შესაძლებლობა, რომ ჩვენს უკრაინელ პარტნიორებთან განვიხილოთ მიმდინარე რუსული აგრესია, ასევე ქვეყანაში მიმდინარე რეფორმების გასაგრძელების აუცილებლობაზე ხაზგასასმელად”, – დაწერა ბლინკენმა.
როგორც გამოცემა Unian წერს, ბლინკენი შეხვდება უკრაინის საგარეო საქმეთა მინისტრ დმიტრო კულებას. შეხვედრაზე უკრაინა-აშშ-ის სტრატეგიული პარტნიორობის განვითარებას, პოლიტიკურ და უსაფრთხოების სფეროში ურთიერთქმედების გაღრმავებას, ვაჭრობასა და ინვესტიციების გაზრდას განიხილავენ.
ბლინკენი ასევე შეხვდება უკრაინის პრეზიდენტ ვოლოდიმირ ზელენსკის, სხვა მაღალჩინოსნებს და სამოქალაქო საზოგადოების წარმომადგენლებს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
