,
„პრეზიდენტი პუტინი ამტკიცებს რომ რუსეთს დღეს აქვს კანონიერი პრეტენზია რუსეთის იმპერიის ყველა ტერიტორიაზე; იგივე რუსეთის იმპერიაზე, რომელიც საბჭოთა კავშირამდე, 100 წელზე მეტი ხნის წინ არსებობდა. ეს მოიცავს უკრაინას, ფინეთს, ბელარუსს, საქართველოს, მოლდოვას, ყაზახეთს, ტაჯიკეთს, თურქმენეთს, უზბეკეთს, ლიეტუვას, ლატვიასა და ესტონეთსაც. ეს მოცავს პოლონეთისა და თურქეთის ნაწილს. არსებითად, პუტინს სურს, რომ მსოფლიომ დროში უკან იმოგზაუროს.
იმ დროში, როდესაც არ არსებობდა გაერო. იმ დროში, როდესაც მსოფლიოს იმპერიები მართავდნენ. მაგრამ დანარჩენი მსოფლიო წინ წავიდა. ახლა 1919 წელი არ არის. ახლა 2022 წელია. გაერო შეიქმნა არა რეკოლონიზაციის, არამედ დეკოლონიზაციის პრინციპებზე. ჩვენ გვჯერა, რომ გაეროს წევრი ქვეყნების უდიდესი უმრავლესობა და გაეროს უშიშროების საბჭო მოწოდებულია წინსვლისკენ და არა დროში უკან მოგზაურობისკენ." - აშშ-ის ელჩის, ლინდა ტომას-გრინფილდის გამოსვლიდან უკრაინის თაობაზე გამართულ გაეროს უშიშროების საბჭოს საგანგებო შეხვედრაზე.
21 თებერვლის, 2022 წელი.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
