,
33-წლიანი მოლოდინის შემდეგ „ნაპოლი“ კვლავ იტალიის ჩემპიონია. კარიერაში მესამე ტიტულის მოპოვებაში დიდი წვლილი ქართველმა ფეხბურთელმა ხვიჩა კვარაცხელიამ შეიტანა.
კვარა, კვარავაჯო თუ კვარადონა ახლა სამხრეთ იტალიის ერთ-ერთი გამორჩეული გმირია, ნეაპოლში კი ზეიმია და ეს დღე კიდევ დიდხანს ემახსოვრებათ.
იტალიის ჩემპიონატის 33-ე ტურში „ნაპოლიმ“ „უდინეზესთან“ გასვლაზე ფრე 1:1 ითამაშა და ისტორიაში მესამედ იტალიის ჩემპიონი გახდა.
აქამდე „ნაპოლი“ იტალიის ჩემპიონი ორჯერ გახდა, 1986/87 და 1989/90 წლის სეზონებში.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
