,
უკრაინის პრეზიდენტის ადმინისტრაციის ყოფილმა მრჩეველმა, ალექსეი არესტოვიჩმა განაცხადა, რომ ვოლოდიმირ ზელენსკის აშშ-ში ვიზიტის მიუხედავად, აშშ-ის წარმომადგენელთა პალატა უკრაინისათვის ახალი დახმარების გამოყოფის შესახებ თეთრი სახლის მოთხოვნის წლის ბოლომდე განხილვას არ აპირებს.
არესტოვიჩის თქმით, ეს საკანონმდებლო ორგანოს სამუშაო განრიგიდან გამომდინარეობს.
მან აღნიშნა, რომ უკრაინისათვის ეს დიდი ალბათობით ნიშნავს ოქროსა და სავალუტო რეზერვების გახსნასა და ეროვნული ვალუტის ბეჭდვას, რაც ინფლაციასა და ფრონტზე დიდ პრობლემებს ნიშნავს.
"დღეს მიღებულია ზელენსკისა და მისი გუნდის გაკიცხვა დასავლეთში და უკრაინის შიგნით მათი პოლიტიკის წარუმატებლობის გამო, მაგრამ მე გირჩევთ, უფრო ფართოდ შეხედოთ სიტუაციას. მთლიანად დასავლეთი აგებს - გლობალისტებიც და იზოლაციონისტებიც - და ჩვენ, ვინც მათზე ფსონი დავდეთ ჩვენი სულელობით", - განაცხადა არესტოვიჩმა.
მისი თქმით, "რესპუბლიკელებში" იზოლაციონისტებმა გაიმარჯვეს, ხოლო "დემოკრატებში" - გლობალისტებმა, რომლებსაც არ შეუძლიათ იმ პრობლემების გადაჭრა, რომელიც თავად შექმნეს გლობალურ დონეზე.
"ახლა მათ უნდა აირჩიონ სამ კონფლიქტს შორის: უკრაინა, ტაივანი და ისრაელი. 70 ათასი ჭურვის გადატანა ისრაელიდან უკრაინაში და უკან არის კულმინაცია ომის წარმოების იმ უუნარობისა, რომელიც მათ თავზე მოახვიეს", - განაცხადა არესტოვიჩმა.
"ჩვენთვის ეს კატასტროფას ნიშნავს. დრო დადგა, საფასური გადავიხადოთ ჩვენი სულელობისთვის. არის შანსი? არის. საგანგებო მართვის რეჟიმზე დაუყოვნებლივ გადასვლა. ეს შეაჩერებს ვარდნას და დროს მოგვცემს ვარიანტების მოსაძებნად", - დასძინა მან.
სხვადასხვა სამუშაოების ჩატარების გამო 19 სექტებერს ელექტრომომარაგება დროებით შეიზღუდება
კრწანისის რაიონი
გადაუდებელი სამუშაოების გამო 06:00 საათიდან 08:00 საათამდე შეზღუდვა შეეხება: სოფელი ტაბახმელას, სოფელი წავკისის, სოფელი შინდისის და სოფელი კოჯრის მოსახლეობას.
საბურთალოს რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: გიორგი სააკაძის დაღმართის, 26 მაისის მოედნის, პეკინის გამზირის, იყალთოს, ხვიჩიას, კოსტავას, არჩილ სულაკაურის, სულხან ცინცაძის, ბახტრიონის, ვახტანგ ჭაბუკიანის, იოსებიძის, საბურთალოს და მიროტაძის ქუჩების მოსახლეობას.
გადაუდებელი სამუშაოების გამო 10:00 საათიდან 11:00 საათამდე შეზღუდვა შეეხება: ნუცუბიძის პლატოს II, III, IV, V მიკრორაიონების, ქანთარიას, ჟღენტის, გაბუნიების და ინტენსიფიკაციის ქუჩების მოსახლეობას.
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: აბაშიძე-ორბელიანის და ვეფხისტყაოსნის ქუჩების მოსახლეობას.
გლდანის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გლდანის მასივის I, II, III, IV, VII მიკრორაიონების, ლაზოს, სარაჯიშვილის, შუშინის, ტაძრის, ილორის, ილია ვეკუას, წყალსადენის, გელა ჭედიას, ფორე მოსულიშვილის, მონასტრის, იპოლიტოვ-ივანოვის, ჭელიძის, შეშელიძის, ხიზანიშვილის და კუფტინის ქუჩების მოსახლეობას.
ისნის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ვაზისუბნის II მიკრორაიონის (ნაწილობრივ) მოსახლეობას.
ნაძალადევის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გურამიშვილის გამზირის (ნაწილობრივ), ცოტნე დადიანის, ჟველაურის, იფნევის, ბოგვის, ქვიშხეთის, ხევისუბნის, დვირის, ჟინვალის, ზვარეთის, კვერნაულის, ლიახვის, ჭოპორტის, ერწოს, არალეთის, ედისის, გუდამაყრის, ბუაჩიძის და თიანეთის ქუჩების მოსახლეობას.
